Soudan ar Su, pe Susoudan, ent-ofisiel Republik Soudan ar Su (Republic of South Sudan e saozneg), zo ur stad e-kreiz kevandir Afrika, distag diouzh Soudan abaoe an 9 a viz Gouere 2011. En-dro da Soudan ar Su emañ stadoù Soudan en norzh, Etiopia er reter, Kenya, Ouganda ha Republik Demokratel Kongo er su, hag ar Republik Kreizafrikan er c'hornôg. Juba eo ar gêr-benn.

The Republic of South Sudan
Republik Soudan ar Su

Banniel Soudan ar Su
Skoed-ardamez Soudan ar Su
Banniel Ardamezioù

Lec'hiadur
Kan broadel South Sudan Oyee!
Yezh ofisiel Saozneg
Kêr-benn Juba
Gorread 619 745 km²
Poblañs
• Hollad
ò Stankter

8 260 490 (2009)
13,3 /km²
Prezidant Salva Kiir Mayardit
Moneiz Lur susoudanat
Kod pellgomz 211
Kenrouedad .ss (kinniget)

Gwechall e oa ul lodenn eus Soudan. Goude bloavezhioù brezel en eil hanterenn an XXvet kantved e oa bet un emglev peoc'h etre ar gouarnamant kreiz hag Luskad Pobl evit Dieubiñ Soudan. Hervez an emglev-se ez eus bet dalc'het ur referendom e 2011, etre an 8 hag 15 a viz Genver, evit gouzout ha fellout a rae da annezidi ar Su kaout ur stad dizalc'h pe chom e framm Soudan. 98,83% eus ar voterien o deus votet “ya” d'an dizalc'hiezh, hervez an disoc’hoù ofisiel embannet e miz C'hwevrer. Goude ar referendom-se eo bet embannet ar stad dizalc'h nevez d'an 9 a viz Gouere 2011, gant an anv Republik Susoudan (Republic of South Soudan e saozneg, ar yezh ofisiel). Statud rannvro Abyei, war an harzoù etre Soudan ha Soudan ar Su, n'eo ket sklaer c'hoazh hag ur referendom a zlefe bezañ dalc'het eno diwezhatoc'h evit gouzout hag-eñ e vo staget ouzh an norzh (Soudan) pe ouzh stad nevez ar su (Soudan ar Su).

Skeudennoù kemmañ

Rannoù melestradurel kemmañ

Dek stad a ya d'ober ar vro. Hervez an emglev peoc'h e c'hallfe teir zachenn all dibab bezañ staget ouzh Soudan ar Su, pe neuze chom e framm an norzh: Nuba Moutains, Abyei ha Nil Glas. N’eo ket sklaeraet stad an teir zachenn-se c'hoazh.

Anv ofisiel saoznek brezhoneg Niver a annezidi
(2006)
Kêr-benn
Upper Nile Nil Uhel 1.212.979 Malakal
Lakes al Lennoù 567.329 Rumbek
Central Equatoria Equatoria Greiz 334.827 Juba
Unity (Western Upper Nile) Unvez (Nil Uhel ar C'hornaoueg) 262.787 Bentiu
Jonglei Jonglei 1.189.330 Bor
Western Equatoria Equatoria ar C'hornaoueg 1.731.341 Yambio
Western Bahr el Ghazal Bahr el Ghazal ar C'hornaoueg 1.467.870 Wau
Northern Bahr el Ghazal Bahr el Ghazal an Norzh 826.646 Aweill
Eastern Equatoria Equatoria ar Reter 225.872 Torit
Warrap Warrap 999.785 Kuacjok
 
Stadoù Soudan ar Su