Burundi

Burundi zo ur vro vihan e-kreiz Afrika, e rannvro al Lennoù Bras. Emañ etre Rwanda en norzh, Tanzania er reter hag er gevred, al Lenn Tanganyika er gevred, ha Republik Demokratel Kongo er c’hornôg. Bujumbura eo ar gêr-benn. Kar eo anv ar vro da hini ar yezh pennañ a gomzer enni, ar yezh kirundi.

Republika y'u Burundi République du Burundi Republik Burundi
Banniel Skoed-ardamez
Ger-stur : Unité, Travail, Progès  (Kirundi) "Unité, Travail, Progrès"  (Galleg)
Kan broadel: Burundi bwacu
Lec'hiadur Burundi
Kêr-benn (ha kêr vrasañ)	Bujumbura 3°30′S 30°00′R
Yezh(où) ofisiel	Kirundi, galleg
Gouarnamant	Republik
- Prezidant	Évariste Ndayishimiye
Gorread
- Hollad	27 830 km² (145vet)
- Dour (%)	7,8%
Poblañs
- istimadur 2005	7 548 000 ()
- niveradeg 2008	8 053 574
- Stankter	289/km² (43vet)
Moneiz	Lur Burundi (BIF)
Gwerzhid-eur	(UTC+ 2)
- Hañv (Eur hañv)	(UTC+ 2)
Kod kenrouedad	.bi
Kod pellgomz	+257

Ur rouantelezh dizalc’h a oa bet e Burundi adalek ar XVI^vet kantved. E 1903 e teuas da vezañ un drevadenn alaman, ha fiziet e voe e Belgia goude ar Brezel-bed kentañ, a-gevret gant Rwanda. Ruanda-Urundi a chomas dindan melestradurezh Belgia, en anv Kevre ar Broadoù da gentañ, hag en anv Aozadur ar Broadoù Unanet, goude an Eil Brezel-bed. E 1962 e teuas Burundi da vezañ dizalc’h, e stumm ur rouantelezh adarre. E 1966 e voe embannet ar republik. Er bloavezhioù 1970, 1980 ha 1990 adarre, e oa bet lazhadegoù Tutsied ha marvet e oa miliadoù a dud.

Poblañs

E miz Eost 2008 e voe aozet un niveradeg eus poblañs Burundi, ar pezh na oa ket bet graet abaoe 1990. E-korf 28 vloaz e oa kresket kalz ar boblañs ha tremenet eus 5 292 793 a dud e 1990 da 8 053 574 a dud e 2008.

Rannoù melestradurel

Rannet eo Burundi e 17 proviñs, a-anv gant o fennlec'h :

Proviñsoù Burundi

• Bubanza
• Bujumbura Mairie
• Bujumbura Rural
• Bururi
• Cankuzo
• Cibitoke
• Gitega
• Karuzi
• Kayanza
• Kirundo
• Makamba
• Muramvya
• Muyinga
• Mwaro
• Ngozi
• Rutana
• Ruyigi

Politikerezh

Dilennet eo Pierre Nkurunziza da brezidant e 2005, hag addilennet e 2010. E 2020 e varv e embreg e garg, d'an oad a 55 bloaz. Pascal Nyabenda, kador ar Vovadenn Vroadel, a gemer e lerc'h. Dilennet eo Évariste Ndayishimiye da brezidant ar Republik en dro gentañ gant 68,72 % eus ar mouezhioù.

Stadoù Afrika

Aljeria • Angola • Aod an Olifant • Benin • Botswana • Burkina Faso • Burundi • Djibouti • Egipt • Eritrea • Eswatini • Etiopia • Gabon • Gambia • Ghana • Ginea • Ginea-Bissau • Ginea ar C'heheder • Kab Glas • Kameroun • Kenya • Komorez • Republik Kongo • Republik Demokratel Kongo • Republik Kreizafrikan • Lesotho • Liberia • Libia • Madagaskar • Malawi • Mali • Maouritania • Maroko • Mozambik • Maoris • Namibia • Niger • Nigeria • Ouganda • Rwanda • São Tomé ha Príncipe • Senegal • Sechelez • Sierra Leone • Somalia • Soudan • Soudan ar Su • Suafrika • Tanzania • Tchad • Togo • Tunizia • Zambia • Zimbabwe

Tiriadoù dalc'het
Ceuta • Inizi Kanariez • Madeira • Melilla • Mayotte • Reünion • Saint Helena • Inizi Tchagos

Broioù ha n'int ket anzavet gant an holl
Azawad • Sahara ar C'hornôg • Somaliland