Ginea ar C'heheder

	República de Guinea Ecuatorial; République de Guinée équatoriale; República da Guiné Equatorial ; Republik Ginea ar C'heheder
Banniel	Skoed-ardamez
	Ger-stur : Unidad, Paz, Justicia ; Unité, Paix, Justice ; Unidade, Paz, Justiça ; (Unaniezh, Peoc’h, Justis)
	Kan broadel: Caminemos Pisando la Senda de Nuestra Inmensa Felicidad
	Lec'hiadur Ginea ar C'heheder
Kêr-benn; (ha kêr vrasañ)	Malabo ; 3°21′N 8°40′R
Yezh(où) ofisiel	Spagnoleg, galleg, portugaleg
Gouarnamant	Republik
- Prezidant	Teodoro Obiang Nguema Mbasogo
- Kentañ ministr	Manuel Osa Nsue Nsua (es)
Gorread
- Hollad	28 050 km²
- Dour (%)	dister
Poblañs
- istimadur Gouere 2023	1 714 672 ()
- Stankter	61/km² (154vet)
Gwerzhid-eur	(UTC+ 1)
- Hañv (Eur hañv)	(UTC+ 1)
Kod kenrouedad	.gq
Kod pellgomz	+240

Evit sterioù all ar ger Ginea, gwelet amañ.

Ginea ar C'heheder zo ur stad eus Afrika, war ribl ar Meurvor Atlantel. Unan eus broioù bihanañ Afrika eo.

Div lodenn a ya d’ober Ginea ar C’heheder, an eil war an douar-bras, anvet Mbini (gwechall Río Muni) gant un nebeud inizi bihan tost d’an aod, hag eben en donvor, enez Bioko (anvet gwechall Fernando Poo) hag enez Annobón. Emañ ar gêr-benn, Malabo (anvet gwechall Santa Isabel), war enez Bioko. Ur 150.000 den bennak zo o chom er gêr-benn. En-dro da C’hinea ar C’heheder emañ Kameroun en norzh, Gabon er su hag er reter, hag ar mor, gant Pleg-mor Ginea er c’hornôg. Evel m’en diskouez an anv emañ e-kichen ar C’heheder.

Unan eus trevadennoù Spagn e oa Ginea ar C'heheder gwechall. Gant se ez eo unan eus al lec’hioù en Afrika m’eo ofisiel ar spagnoleg, ouzhpenn kêrioù Ceuta ha Melilla, ha Sahara ar C'hornôg.

Istor

Enez Bioko a voe kavet e 1471 gant ar moraer portugalat Fernão do Pó, anavezet ivez e spagnoleg evel Fernando Poo, pa oa o klask un hent da vont war-zu Indez. Badeziñ a reas an enezenn Flor Formosa (ar vleunienn gaer), met goude-se e voe lakaet dezhi anv an ergerzher deuet eus Portugal. Trevadennet e voe inizi Fernando Poo hag Annobón gant Portugaliz adalek 1474. Chom a reas an div enezenn en o dalc’h betek 1778, ha neuze e voent roet da Vro-Spagn, a-gevret gant ar gwir d’ober kenwerzh war douaroù all eus ar c’hevandir, en eskemm ouzh douaroù eus Suamerika. Etre 1827 ha 1843 e oa bet Saozon war an enez, implijet ganto en o stourm ouzh kenwerzh ar sklaved. Al lodenn a oa war an douar-bras, Río Muni, a zeuas da vezañ ur vro-warezet e 1885 hag un drevadenn spagnol e 1900.

Rannoù melestradurel

Proviñsoù Ginea ar C'heheder

Div rannvro, rannet e 7 proviñs, a ya d'ober Ginea ar C'heheder :

Mbini, pe rannvro ar c'hevandir :
Rannvro an inizi :

Kartenn Ginea ar C'heheder

Stadoù Afrika

Aljeria • Angola • Aod an Olifant • Benin • Botswana • Burkina Faso • Burundi • Djibouti • Egipt • Eritrea • Eswatini • Etiopia • Gabon • Gambia • Ghana • Ginea • Ginea-Bissau • Ginea ar C'heheder • Kab Glas • Kameroun • Kenya • Komorez • Republik Kongo • Republik Demokratel Kongo • Republik Kreizafrikan • Lesotho • Liberia • Libia • Madagaskar • Malawi • Mali • Maouritania • Maroko • Mozambik • Maoris • Namibia • Niger • Nigeria • Ouganda • Rwanda • São Tomé ha Príncipe • Senegal • Sechelez • Sierra Leone • Somalia • Soudan • Soudan ar Su • Suafrika • Tanzania • Tchad • Togo • Tunizia • Zambia • Zimbabwe

Tiriadoù dalc'het
Ceuta • Inizi Kanariez • Madeira • Melilla • Mayotte • Reünion • Saint Helena • Inizi Tchagos

Broioù ha n'int ket anzavet gant an holl
Azawad • Sahara ar C'hornôg • Somaliland