Herri II (Bro-C'hall)
|
|
Herri II, ganet d'an 31 a viz Meurzh 1519 e Saint-Germain-en-Laye, marvet d'an 10 a viz Gouere 1559, a oa roue Bro-C'hall.
E vuhezAozañ
Eil mab Frañsez Iañ, roue Bro-C'hall, ha Klaoda Bro-C'hall, merc'h henañ Anna Breizh ha dugez Breizh a-berzh he mamm, e oa Herri II.
SpagnAozañ
Eus 1526 da 1530 e chomas prizoniad Karl V e Spagn gant e vreur Frañsez, e-lec'h o zad Frañsez Iañ.
Daofin ha Dug BreizhAozañ
War-lerc'h marv e vreur henañ an daofin Frañsez e 1536 e voe lakaet war un dro da Zaofin ha da Zug Breizh, hogen ne voe ket kurunennet evel e vreur, an dug kurunennet diwezhañ a voe e Breizh.
Roue Bro-C'hallAozañ
Roue Bro-C'hall e voe Herri war-lerc'h marv e dad Frañsez Iañ a Vro-C'hall etre 1547 ha 1559.
Dimeziñ a reas da g-Caterina de' Medici e miz Here 1533. E-touez ar vugale a c'hanas, 3 a zeuas da vezañ rouaned Bro-C'hall : Frañsez II, Charlez IX ha Herri III. Brudet eo e garantez ouzh e serc'h Diane de Poitiers.
Kenderc'hel a reas Herri II gant ar brezel ouzh Karl V hag ouzh Bro-Saoz. E 1558 e voe skarzhet ar Saozon diouzh Calais. Sinet e voe ar peoc'h gant feur-emglev Cateau-Cambrésis e miz Ebrel 1559 etre Herri II, Elesbed Iañ, rouanez Bro-Saoz, ha Fulup II, Roue Spagn. Diwar-se e voe ret da Vro-C'hall dilezel Italia.
Dindan ren Herri II e voe krouet ar Chambre ardente, e karg da varn an disivouderien.
E varvAozañ
Gouelioù a voe aozet evit lidañ war un dro peoc'h Cateau-Cambrésis hag an euredoù div verc'h ar roue sinet da-heul : hini Marc'harid Bro-C'hall, dugez Berry, c'hoar Herri II, da Emmanuel Philibert, dug Savoia, ha hini Elesbed Bro-C'hall gant roue Spagn, Fulup II (Spagn).
D'an 30 a viz Even, e-korf un tournamant, e voe gloazet Herri II gant un taol goaf digant an dug Montgomery. Ar roue a varvas d'an 10 a viz Gouere 1559.
E vugaleAozañ
| En e raok: Frañsez Iañ |
Rouaned Bro-C'hall  1547 – 1559 |
War e lerc'h: Frañsez II |