IMI Galil
Ar Galil zo ur fuzuilh-arsailh israelat kambret e 5,56 × 45 mm, krouet e deroù ar bloavezhioù 1970. Unan eus armoù hiniennel standart arme Israel eo bet betek deroù ar XXIañ kantved.
| IMI Galil | |
|---|---|
 Ur fuzuilh-arsailh Galil stumm ARM | |
| Kinnig | |
| Bro |  Israel
|
| Doare | Fuzuilh-arsailh damaotomatek/aotomatek |
| Mont en-dro | Tennata dre amprest-gazoù, piston |
| Munisionoù | 5,56 × 45 mm NATO 7,62 × 51 mm NATO |
| Produer | Israel Military Industries |
| Mare produiñ | 1972 - 1998 |
| Pouez ha muzulioù Stummoù AR/ARM | |
| Mas (hep kartouchenn) | 3,95 kg |
| Hirder | 979 mm (lamm dibleget) 742 mm (lamm pleget) |
| Hirder ar c'hanol | 460 mm |
| Perzhioù all Stummoù AR/ARM | |
| Hed-tenn pleustrek | 450 m |
| Lusk-tennañ | 650 tenn/mn |
| Tizh mont e-maez ar boledoù | 950 m/s |
| Endalc'h | Karger fiñv 35 pe 50 kartouchenn (e 5,56 mm) |
| Adstummoù | AR, ARM, SAR, MAR, Galatz |
| Lezenn | |
| Rummad e Bro-C'hall | A |
Istor ha deskrivadur
kemmañEr bloavezhioù 1960 e rae Tsahal gant fuzuilhoù FN FAL kambret e 7,62 × 51 mm. E-pad emgannoù ar Brezel C'hwec'h Devezh e 1967 e voe remerket ne oa ket fiziapl atav ar FAL en emgannoù en dezerzh, ouzhpenn dezhi bezañ ponner a-walc'h. Divizet e voe implijout fuzuilhoù-arsailh nevez. An AK-47 tapet war an tachennoù-emgann digant soudarded egipsian a ziskouezas bezañ mat, met fellet a rae d'an Israeliz ober gant ar c'halibr 5,56 × 45 mm[1].
Yisrael Galili, ijinour en IMI, a ginnigas ur fuzuilh-arsailh nevez, hag a voe choazet gant an arme goude bezañ bet keñveriet gant fuzuilhoù all evel an M16 stadunanat. Anvet e voe Galil diwar anv e grouer, ha lakaet er servij e 1973. A. Ur stumm gwellaet eus an AK-47 e oa, dezhañ ul lamm plegus hag ur c'houch reolius etre 300 ha 500 metr. Ul loc'henn da zibab ar mod tennañ (aotomatek pe damaotomatek) a voe ouzphennet ouzh e du kleiz[2].
Stummoù disheñvel
kemmañ- AR : stumm orin e 5,56 mm
- ARM : heñvel ouzh un AR, dezhi un daoubez gouest da droc'hañ orjal dreinek ivez, un dornikell-dougen hag un distoufer dindan he c'hanol
- SAR : stumm berroc'h e ganol[3] evit ar soudarded e-bourzh kirri pe tankoù
- MAR : stumm berr-kenañ
- Galatz : fuzuilh-resisted kambret e 7,62 mm NATO[4]
Ar rummad Galil ACE, savet adalek ar bloavezhioù 2000, zo deveret eus ar Galil.
Implijerien
kemmañAdalek mae 1973 e voe choazet ar Galil gant Tsahal[2], met ne voe ket pourveziet d'an holl soudarded dre ma resevas Israel kalz skouerennoù eus an M16 er bloavezhioù 1960 hag e deroù ar bloavezhioù 1970. An Tavor a gemeras he flas adalek ar bloavezhioù 2000. Ar Galil a voe gwerzhet da vroioù all evel Kolombia (e 7,62 mm) pe produet dindan aotre gant broioù evel Suafrika, pe Ukraina dindan an anv Fort-301.
