Kig-ha-farz

Ur meuz breizhat deus Bro-Leon
(Adkaset eus Kig-ha-fars)

Ar c'hig-ha-farz[1] zo ur meuz breizhat hag a vez debret e Bro-Leon dreist-holl, met a gaver muioc'h-mui e Breizh a-bezh.

Ar sac'had farz bet o poazhañ er soubenn
Ar sac'had farz
Ar meuz klok

Ennañ ez eus meur a seurt kig, kig-bevin ha kig-moc'h poazhet en dour gant legumaj (kaol, karotez, pour, irvin, ognon,...) ha gant fars-sac'h.

Ar fars-sac'h zo fars, pe toaz graet gant laezh, vioù ha bleud gwinizh (farz gwenn) pe bleud gwinizh-du (farz du), ha poazhet en ur sac'h-fars. Servijet e vez troc'het a jelkennoù, pe bruzunet, asambles gant ar c'hig hag al legumaj.

Gant ar c'hig-ha-farz e vezer boaz da ginnig « lipig », chaous graet gant chalotez troc'het a dammoù bihan ha poazhet e-barzh an amann.

Gwechall e oa ar meuz-se boued pennañ al labourerien-douar e Bro-Leon (hep kalz a gig alies). Meur a rekipe disheñvelik zo da ober kig-ha-farz, hervez an terouer.

Levrlennadur kemmañ

  • Kig-ha-farz ha bouedoù all a-wechall e Bro-Leon, Dastumadeg Dastum Bro-Leon niv. 3, 2013.

Liammoù diavaez kemmañ

Sellit ouzh ar ger kig-ha-fars er
wikeriadur, ar geriadur frank.

 
Commons
Muioc'h a restroù diwar-benn

a vo kavet e Wikimedia Commons.

Notennoù ha daveoù kemmañ

  1. Geriadur brezhoneg An Here, 2001, p. 736b; Geriadur Al Liamm, 2014, p. 458a.; TermOfis (Ofis Publik ar Brezhoneg); bet skrivet kig ha fars a-raok, pe e geriadurioù dibeurunvan : Geriadur ar brezhoneg a-vremañ gant Frañsez Favereau, 1992, pajenn 406. Fars eo a zo skrivet e Geriadur Vallée, Geriadur Hemon-Huon.


  Porched Breizh – Adkavit pennadoù ha rummadoù Wikipedia a denn da Vreizh.