Liorzh ar plijadurezhioù zo anv un deirzaolenn (teir zaolenn stok-ha-stok) livet e 1503 gant an Izelvroad Hieronymus Bosch, diwar anv an daolenn zo er c'hreiz. War ziskouez emañ an oberenn e Madrid, e Mirdi ar Prado. Graet eo gant eoul war danvez. Muzuliañ a ra 206 x 386 cm.

En istor an arz n'anavezer ket he far. Kevrinus eo, pinvidik an danvez anezhi, diaes da gompren. Gouzout a reer e klaske an arzour kenteliañ e gempredidi, e oa aes da gompren dezho, hag e plijas kement d'ar roue spagnol Felipe II, ma prenas an daolenn.

Oberenn gent Aozañ

War ur patrom damheñvel e oa bet livet un oberenn all:

taolenn an tu kleiz |

taolenn ar c'hreiz |

taolenn an tu dehoù

Ar c'harrad foenn, taolenn ar c'hreiz

Kempennadur an deirzaolenn Aozañ

- en tu kleiz : liorzh Eden pe ar Baradoz
- er c'hreiz : liorzh ar Plijadurezhioù, pe ar Purgator
- en tu dehoù : an Ifern

Gweledigezh an teir zaolenn pa vez digor ar stalafioù Aozañ

taolenn an tu kleiz

taolenn ar c'hreiz

taolenn an tu dehoù

Gweledigezh an div hanterzaolenn livet war ar stalafioù pa vezont serret Aozañ

Krouidigezh ar Bed, livet en 1504

A-dreñv an taolennoù ez eus livet ur weledigezh eus ar bed evel ma c'hallfe bezañ gwelet gant ar c'hrouer anezhañ, a zamweler e krec'h o sellout ouzh e oberenn. Emañ ar bed en ur voull dreuzwelus, evel en ur vi prest da ziglorañ.

Munudoù Aozañ

Ar vaouez en adreñv, dindan kador an evn, (etre krabanoù an euzhvil, o sellout en ur melezour a zo revr ul loen bennak), a zo kablus a lorc'h ha fougaserezh.
An den o kac'hat gwenneien en toull dindan kador an evn a zo kablus a bizhoni. An den o tisloñkañ er memes toull a zo kablus a lontegezh.
Penn an den a zo dindan ar plad a zo o terc'hel ar binioù roz a c'hallfe bezañ poltred Bosch en-eeun.
sivienn