Pontaubault

Pontaubault
Ar pont Aubault dreist ar Sélune.
Bro	Normandi Avranchin
Melestradurezh
Stad	Frañs
Rannvro	Normandi
Departamant	Manche
Arondisamant	Avranches
Kanton	Avranches
Kod kumun	50408
Kod post	50220
Maer Amzer gefridi	Michel Perrouault 2014-2026
Etrekumuniezh	Communauté de communes Avranches - Mont-Saint-Michel
Lec'hienn web	http://pontaubault.fr
Poblañsouriezh
Poblañs	576 ann. (2020)
Stankter	297 ann./km²
Douaroniezh
Daveennoù lec'hiañ	48°37′48″N 1°20′59″W
Uhelderioù	bihanañ 7 m — brasañ 72 m
Gorread	1,94 km²

Pontaubault zo ur gumun e departamant Manche e Bro-C'hall.

Douaroniezh

• 
  Pont-hent dreist d'ar Sélune.

• War lez ar stêr Sélune emañ Pontaubault.

Dezougen

• 
  Pont-hent-houarn dreist d'ar Sélune.

• Dilezet eo ar porzh-houarn. war al linenn eus Lison da Lambal emañ. Ur forc'h-hent houarn e oa war-zu Domfront. Serret eo al linenn Pontaubault-Domfront ha graet ez eus un hent glas en he lec'h.

Istor

Dispac'h Gall

• Krouet e voe ar gumun e 1790 diwar ar barrez katolik. Lakaet e voe e Kanton Avranches hag e Distrig Avranches. Lakaet e voe en Arondisamant Avranches e 1800.

XX^vet kantved

Brezel-bed kentañ

• Mervel a reas unnek gwaz eus ar gumun abalamour d'ar brezel, eleze 3,36% ag ar boblañs hervez an niveradeg bet graet e 1911.

Eil brezel-bed

• Mervel a reas c'hwec'h den eus ar gumun, ur soudard dan 18 a viz Even 1940 e Bleaz (departamant Loir-et-Cher, Bro-C'hall)ha pemp maouez nann-soudard. .
• Emgann Normandi, 1944:
  • distrujet e voe an iliz katolik gant ar bombezadegoù e miz Gouhere;
  • tost didorr e oa ar pont-hent pa voe kemeret gant Trede Lu SUA (VIII^vete, XII^vete, XV^vet ha XX^vet Korf Lu) ar Jeneral Patton. Kemeret e voe ar pont gant ur rakward SUAat eus ar 4 Rannlu d'an 30 met adtapet e voe d'an 31 gant Kampfgruppe alaman al Letanant-Koronal Bacherer. En abardaevezh e voe tapet en-dro gant harz-lammourion SUAat. Kerkent e voe lakaet soudarded Patton da dremen, hag e-dan tri devezh e c'hellas tremen seizh rannlu, d.l.e. tremen 100 000 soudard ha 1 500 karr a-bep seurt evit mont war-zu Entraven, Dinan, Roazhon, Naoned, al Liger, Alençon ha Le Mans.

Monumantoù ha traoù heverk

• 
  Porched an iliz a-gent.
• 
  An iliz nevez.

• Iliz katolik Sant Andrev.
• Div blakenn war ar pont-hent, o tegas soñj eus tremenadenn Lu SUA warnañ e 1944.
• Plakenn ur soudard alzasian eus ar Wehrmacht, bet savetaet tud nann-soudard gantañ e 1944.
• Monumant ar re varv e-tal an iliz katolik, luc’hskeudennoù.

Emdroadur ar boblañs 1962-2012

Melestradurezh

• 
  Ar maerdi.

Roll maered ar gumun
Mare		Anv	Strollad	Karg
Meurzh 2001	→ bremañ	Michel Perrouault	digostezenn	Desaver teknikel arbennikaet
1986	Meurzh 2001	Joseph Laurent
N'eo ket anavezet c'hoazh an holl fedoù.