Talal Iañ Jordania

Talal ben Abdallah (arabeg : طلال بن عبد الله Talal ben Abd Allah), bet ganet d'ar 26 a viz C'hwevrer 1909 e Mekka, Impalaeriezh otoman ha marvet d'ar 7 a viz Gouhere 1972 en Istanbul, Turkia, a oa mab henañ Abdallah Iañ Jordania hag he wreg kentañ Mousbah bint Nasser.

Talal Iañ Jordania
طلال بن عبد الله
Talal ben Abd Allah
Talal of Jordan.jpg
Poltred ofisiel
Roue Jordania
Ren 20 a viz Gouhere 1951
11 a viz Eost 1952
Kentad Abdallah Iañ Jordania
Warlerc'hiad Hussein Iañ Jordania
Ganedigezh 26 a viz C'hwevrer 1909
Mekka, Impalaeriezh otoman
Marv 7 a viz Gouhere 1972
Istanbul, Turkia
Tiernac'h Hachemited
Tad Abdallah Iañ Jordania
Mamm Mousban bint Nasser
Relijion Islam sunnit

Roue Jordania e voe d'e dro goude drouklazhadenn e dad d'an 20 a viz Gouhere 1951 e Jerusalem.

En abeg da gudennoù yec'hed, a voe deznaouet evel skinofreniezh[1], e voe rediet da zilezel an tron d'an 11 a viz Eost 1952.
E vab Hussein, 17 vloaz, a voe roue Jordania neuze.

BuhezAozañ

E ti e dud e voe skoliataet Talal ben Abdallah kent mont d'ar Rouantelezh-Unanet da heuliañ ur stummadur milourel e Royal Military College Sandhurst, Berkshire[2].
E 1929 e voe diplomet, ha mont a reas da isletanant e rejimant marc'hegerezh al Legion Arab, a oa stag ouzh ur rejimant breizhveurat e Jerusalem hag ouzh ar Royal Artillery ("Kanolierezh Roueel") e Baghdad.

Un ofiser 43 bloaz e oa Talal ben Abdallah pa voe lazhet e dad e moskeenn Al-Aqsa Jerusalem ; gant e dad-kozh e oa Hussein, 15 vloaz ha mab Talal, a voe saveteet dre berzh ur vedalenn a oa war e vruched, ma tazlammas ur boled bet tennet gant an drouklazher – ur Palestinian yaouank, gougemennet gant ur c'havailhad ne felle dezhañ e vije peoc'h etre Jordania hag Israel.

Petra bennak ma voe berr e ren e tegasas Talal Iañ Jordania araokadennoù bras er rouantelezh : ur vonreizh nevez a voe kaougantet d'ar 1 a viz Genver 1952, a lakae ar gouarnamant en e bezh da vezañ atebek a-stroll dirak Parlamant ar rouantelezh, pep ezel anezhañ o vezañ atebek en un doare hiniennel ivez.
A-hed e ren e klaskas Talal Iañ Jordania habaskaat an darempredoù etre Jordania hag ar Stadoù arab amezek – Arabia Saoudat hag Egipt pergen, a oa bet brouzet ouzh e dad Abdallah Iañ Jordania en abeg d'e strivoù da gavout peoc'h gant Israel.

En Istanbul e varvas Talal Iañ Jordania d'an oad a 63 bloaz, ha beziet e voe e Mozoleon Roueel Amman.

NotennoùAozañ


Pajennoù karAozañ