Abdallah

Abdallah, Abdoullah pe c'hoazh Abdellah ( عبد الله en arabeg) zo un anv divoutin arabek savet gant ar gerioù ʿAbd (servijer) hag Allah ("An doue", an taol-mouezh war an eil silabenn). Un anv-bihan eo, deuet da vezañ un anv-tiegezh ivez.

Koshoc'h eo an anv eget an islam avat. Kar d'an anvioù biblek Abdiel hag Ovadia eo, ha heñvelster ganto. Daou rabin Abdoullah o anv a oa e Medina a-raok an islam : Abdoullah ibn Salam hag Abdoullah ibn Chouria. Bez' emañ ivez ar yuzev eus Yemen Abdoullah ibn Saba e-pad emled an islam.

Stank e vez kavet an anv-bihan Abdallah e-touez ar vuzulmaned hag ivez ar yuzevien Mizrac'h, dreist-holl e Siria hag en Irak.

Stummoù all

• Stumm berr : Abdel, Abdoul, Abdul
• Stummoù all : Abd Allah, Abdala, Abdullah, Abdulah (Bosnia), Abdelilah, Abdollah (Iran), Abdulai
• Abdoulaye en Afrika du

Er yezhoù all

• Servus Dei e latin
• Serdieu e galleg
• Абдулла́ (Abdoulla) e rusianeg
• Габдулла́ (Gabdoulla) en adigeg (Kaokaz an Norzh)
• Gwazdoue / Goasdoue e brezhoneg

Tud brudet

Anvioù-bihan

Abdallah

• Abd Allah ibn az-Zubayr (623-692), niz Aicha
• Abdallah Ibn Yasin (war-dro 1050 - war-dro 1059), doueoniour
• Abdallah Iañ (1882-1951), roue Jordania
• Abdallah II (ganet e 1962), e vab-kuñv, roue Jordania
• Abdallah ben Abdelaziz Al Saoud (1924-2005), roue Arabia Saoudat

Abdullah

• 'Abdullah ibn 'Abdil-Mouttalib, tad ar profed Mahomed
• Abdullah ibn Masud hag Abdullah ibn Omar, keneiled ar profed Mahomed
• Abdullah Ahmad Badawi (ganet e 1939), kentañ minitr Malaysia
• Abdullah Öcalan (ganet e 1949), bet e penn Strollad Labourerion Kurdistan
• Ali Abdullah Salih (1942-2017), prezidant Yemen
• Abdullah Shah, (ganet e 1959), roue Malaysia
• Abdullah Abdullah (ganet e 1960), den a Stad afghan

Anvioù-tiegezh

Abdallah

• Ahmed Abdallah (1919-1989), prezidant Komorez
• George Ibrahim Abdallah (ganet e 1951), stourmer komunour libanat

Tudennoù

• Abdallah, mab an emir Mohammed Ben Kalish Ezab er bannoù-treset Troioù-kaer Tintin gant Hergé.

Pennadoù kar

• Abdelaziz