Chauchat (fuzuilh-vindrailher)
Ar Chauchat, pe Fusil-mitrailleur Mle 1915 CSRG (evit Chauchat Sutter Ribeyrolles Gladiator) hervez e anv ofisiel en arme c'hall, pe c'hoazh Automatic Rifle, Model 1915 (Chauchat) hervez an arme stadunanat, a oa ar fuzuilh-vindrailher kentañ implijet gant an arme c'hall da vare ar Brezel-bed Kentañ.
| Fuzuilh-vindrailher Chauchat Fusil-mitrailleur Mle 1915 CSRG | |
|---|---|
 Ur fuzuilh-vindrailher Chauchat | |
| Kinnig | |
| Bro |  Frañs
|
| Mont en-dro | Fuzuilh-vindrailher damaotomatek / aotomatek |
| Bloavezh krouidigezh | 1915 |
| Munisionoù | Stumm orin 8 mm Lebel Stummoù all .30-06 Springfield 7,92 × 57 mm Mauser 7,65 × 53 mm Mauser 6,5 × 54 mm Mannlicher–Schönauer |
| Produerien | Pezhioù, strollañ Gladiator SIDARME Kanolioù Manufacture d'Armes de Châtellerault Manufacture d'Armes de Saint-Étienne |
| Niver produet | War-dro 225.000 |
| Mare implij | 1916 - 1948 (Bro-C'hall) |
| Pouez ha muzulioù | |
| Mas (hep kartouchenn) | 9,07 kg |
| Hirder | 1.143 mm |
| Hirder ar c'hanol | 470 mm |
| Perzhioù all | |
| Lusk-tennañ | 240 tenn/mn |
| Hed-tenn pleustrek | 200 m |
| Tizh mont e-maez ar boledoù | 630 m/s |
| Endalc'h | Karger hanter-gelc'hiek 20 kartouchenn |
| Lezenn | |
| Rummad e Bro-C'hall | A |
Istor
kemmañA-raok ar Brezel-bed Kentañ he doa klasket Frañs, evel broioù all, diorren he c'hanolierezh hag hec'h armoù-tan hiniennel ponner evel ar mindrailherezioù. Goude deroù ar brezel e miz Eost 1914 e komprenas ar soudarded e oa ret kaout un arm-tan hiniennel gouest da dennañ en ur mod aotomatek evit skoazellañ un argad pe difenn ur savlec'h, met skañv a-walc'h evit bezañ diblaset buan war an dachenn-emgann. E 1915 e voe savet ur bodad-labour evit diorren un arm nevez, ennañ ar c'horonal Louis Chauchat, an ijinour Charles Sutter, ha Paul Ribeyrolles, rener an embregerezh marc'hoù-houarn Gladiator[1]. E dibenn 1915 e voe ganet ar fuzuilh-vindrailher Chauchat. Un arm dezhañ daou vod-tennañ (damaotomatek hag aotomatek) e oa. Pourveziet e oa gant ur c'harger 20 tenn hanter-gelc'hiek, abalamour da stumm ispisial he c'hartouchennoù 8 mm Lebel[1]. Un daoubez a oa stag outi. Kregiñ a reas he froduiñ buan a-walc'h ha lakaet e voe e servij en arme c'hall e miz Meurzh 1916. Soudarded stadunanat an American Expeditionary Forces a implijas anezhi etre 1917 ha 1918 ivez.
-
Kulasenn ar Chauchat -
Karger hanter-gelc'hiek -
![Ur soudard gall gantañ un FM Chauchat, deroù 1918[2]](//upload.wikimedia.org/wikipedia/commons/thumb/2/23/No_3909_Page_108_%28cropped%29_-_Chauchat_et_grenadier_VB.jpg/155px-No_3909_Page_108_%28cropped%29_-_Chauchat_et_grenadier_VB.jpg)
Ur soudard gall gantañ un FM Chauchat, deroù 1918[2]
![Ur soudard gall gantañ un FM Chauchat, deroù 1918[2]](/wiki/Restr:No_3909_Page_108_(cropped)_-_Chauchat_et_grenadier_VB.jpg)
Ne blijas ket an arm d'ar soudarded da vat. Ne oa ket azasaet e wikefre hag e garger digor war ar c'hostezioù ouzh an emgannoù e frigas an trañchennoù[1], ha ne oa ket fiziapl. War-dro 19.400 skouerenn eus ur stumm kambret e .30-06 Springfield a voe savet evit ar stadunaniz e 1918[3], met gwashoc'h c'hoazh e oa e gudennoù mont en-dro[1]. Adalek 1924 e voe kemeret e blas en arme c'hall gant ar fuzuilhoù-mindrailher FM MAC 24 hag FM 24/29. Ne voe ket implijet kalz ar Chauchat e emgannoù goude ar Brezel-bed Kentañ, war-bouez e brezel Spagn a-wechoù[4], pe evel arm seizet gant ar Wehrmacht da vare an Eil Brezel-bed.
Daveennoù
kemmañ- ↑ 1,0 1,1 1,2 ha1,3 (fr) Le fusil-mitrailleur de 8 mm CSRG modèle 1915, war Armement Réglementaire Français (lennet d'an 08/09/2024)
- ↑ Tennet eus ar gelaouenn L'Illustration, n°3909 (fr), 2 a viz C'hwevrer 1918
- ↑ (fr) Chauchat war Arme et Passion (lennet d'an 08/09/2024)
- ↑ (fr) McNAB Chris, Armes à feu Encyclopédie visuelle, L'Imprévu, 2022, p. 264
