Maesaer

micher
Iskevrennad eus	herder
Tachenn vicherel	sheep farming, sheep herding
A implij	shepherd dog
Stumm gourel an dikedenn	Schäfer, ovejero, pastore, berger, pastir

Ur maesaer^[1] zo un den hag a vez o vaesa bagadoù loened, o tiwall saout pe deñved peurvuiañ, war ar maez, a-wechoù er menezioù.
Goro hag ober keuz a ra a-wechoù ivez.

Istor

Les Bergers d'Arcadie (Maesaerien Arkadia) gant Nicolas Poussin.

Nimfenn o kousket ha maesaer o sellet, gant Angelica Kauffman, war-dro 1780, V&A Museum no. 23-1886

Maesa loened, pe diwall loened, zo unan eus koshañ micherioù an dud war an Douar. Krog e oa 5000 bloaz zo en Azia Vihanañ^{(Daveoù a vank)}. An deñved a roe laezh, kig, ha gloan d'ober dilhad, ma c'halled bevañ mann nemet gante. Tamm-ha-tamm e voe astennet ar sevel deñved er broioù tro-dro, en Europa hag Azia.

Breizh

E Breizh gwechall, ha betek deroù ar bloavezhioù 1960, e veze lakaet bugale da vaesa ar saout er parkeier. Paotred-saout, bugulion a veze graet anezho, berjelenned eus ar merc'hed. Evel-se eo e krogent gant ar vicher a vevelien en atantoù, ma veze ezhomm tud da labourat. Kemm a voe gant ar « paotr-saout elektrik », pa ne veze ket ezhomm anezho ken, tra ma weled traktorioù o tont da gemer lec'h ar c'hezeg.

Meneg zo er c'hanaouennoù kozh eus maesarien ha berjelenned, eus c'hoarioù ha karantezioù bugale.^{(Daveoù a vank)} Ha mojennoù zo diwar-benn ar bugul-noz.^{(Daveoù a vank)}

Broioù all

Disheñvel eo an doareoù-ober er broioù evel Aostralia, Zeland-Nevez, Arc'hantina, Texas, ma vez savet loened e tachennoù bras-ec'hon ha plaen, diouzh ar re a vez gant maesaerien a c'hiz kozh, en Afghanistan pe Siria, pe re ar menezioù.

Relijion

"Maesaer" pe "pastor" a vez implijet d'ober anv eus Doue er skridoù yuzev ha kristen (Ar Bibl, Salm 23), ha d'ober anv eus Jezuz en Aviel^{Pe hini ?}, a lavar ar Pastor mat anezhañ e-unan.
Ur bobl maesaerien e oa bet tud Israel, ha kalz anezho a vage deñved, evel Abraham ha Jakob, an daouzek meuriad, Moizez, ar Roue David, ar profed Amos, a veve war-dro Tekoa.
En Testamant Nevez ez eas aelez da gemenn ganedigezh Jezuz d'ar bastored, ma voe savet meur a gantik diwar-benn an darvoud.

Pastored a vez graet alies eus ar veleien gristen, ha bazh ar mesaer a vez gant an eskibien gatolik, anglikan, hag Iliz Sveden. Mag ma deñved a lavar Jezuz da Bêr.^{(Daveoù a vank)}