Pantekost

Pantekost zo anv un degouezh eus an Aviel hag ur gouel kristen. Meneget eo al lid anezhañ abaoe ar IV^e kantved evel ur gouel graet hanter-kant deiz war-lerc'h Sul Fask.

Pantekost Jean Fouquet

Tamm eus heuliad a bennadoù a-zivout ar Gristeniezh Istor ar Gristeniezh Kronologiezh ar Gristeniezh An ebestel Ar Senedoù-Iliz An Disivoud Meur Brezelioù ar Groaz An Adreizhadur An Dreinded Doue an Tad Doue ar Mab . Doue ar Spered Santel Ar Bibl Testamant Kozh Testamant Nevez . Ar pevar aviel Doueoniezh kristen Kouezhadenn an Den · Gras Doue Salud · Didamalladur Azeul kristen Ilizoniezh · Esc'hatologiezh Iliz Kentañ Kristeniezh ar C'hornôg Iliz katolik roman Protestantiezh . Iliz Bro-Saoz Kristeniezh ar Reter Iliz Ortodoks ar Reter Ilizoù ar Reter . Iliz Asirian ar Reter Anvadurioù kristen Emsavioù kristen

Orin ar ger

Ar ger Panthecost a gaver er c'hatolicon e 1499, troet eo e galleg penthecoste. Diwar an henc'hresianeg Πεντηκοστή pentēkostē, (hanter-kantvet deiz goude Pask) e teu ar ger. E geriadur Gregor Rostren eo roet Pentekost evit Gouel ar Spered Santel pe Gouel donedigezh ar spered glan.

Dibaoe eo bet amprestet ar ger Sul-Gwenn diwar ar c'hembraeg Sulgwyn, gant Kervarker er Barzhaz Breizh, ec'h implijer muioc'h mui ar ger-se el lidoù brezhoneg.

Lid

Dre ar gouel-se e koun ar gristenien e oa diskennet ar Spered Santel war diskibien Jezuz Krist, gant stumm teodoù-tan evel m'eo skrivet e levr ar Bibl, Oberoù an Ebestel. Roet e oa dezho ar galloud da gomz an holl yezhoù evit embann keloù mat an Aviel.

Hervez an Hengoun, an ober-se a loc'has avielerezh ar Bed.

Bep bloaz, e vez aozet sakramant ar Gouzoumenn e-tro mare ar Pantekost evit diskouez d'an holl e vez ar gristenien galvet da vezañ ebestel en o buhez pemdeziek.

Unan eus ar Misterioù Glorius prederiet gant ar chapeled eo ar Pantekost.