Pleskob

Er Mor-Bihan e Breizh emañ kumun Pleskob. 4 815 annezad zo dezhi hervez niveradeg an EBSSA e 2011.

Pleskob
Ar maerdi.
Anv gallek (ofisiel)	Plescop
Bro istorel	Bro-Gwened
Melestradurezh
Departamant	Mor-Bihan
Arondisamant	Gwened
Kanton	Gwened-2
Kod kumun	56158
Kod post	56890
Maer Amzer gefridi	Loïc Le Trionnaire 2014-2026
Etrekumuniezh	Mor Bihan - Gwened Tolpad-kêrioù
Bro velestradurel	Bro Gwened
Lec'hienn Web	www.plescop.fr
Poblañsouriezh
Poblañs	6 182 ann. (2020)
Stankter	265 ann./km²
Douaroniezh
Daveennoù lec'hiañ	47° 41′ 59″ Norzh 2° 48′ 17″ Kornôg
Uhelderioù	kreiz-kêr : 50 m bihanañ 17 m — brasañ 67 m
Gorread	23,35 km²
Pleskob

Douaroniezh

Anv

• Erwan Vallerie (1995) ː Ploescob, 1365; 1387; Ploeescob, 1427; Ploescob, 1453; Ploesgob, 1516; Ploascal, 1630; Ploesko, 1636

Ardamezioù

"En argant e dreustell en gul karget gant teir bezanten en aour, hag heuliet gant c'hwec'h brizhenn erminig en sabel, 3, 3"

Ardamezioù Aotrou Pontsal, eskop Gwened ha bezkañseller Breizh e-kerzh ar XVt kantvad; aotrou Kerdrean.

Istor

Dispac'h Gall

• Melestradurezh: krouet e voe ar gumun e 1790. Gant al lezenn eus an 23 a viz Eost 1790 e voe lakaet e kanton Gregam; e Bann Gwened edo. Gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix, e voe miret ha brasaet ar c'hanton dindan anv kanton Gregam ivez ha chom ha reas Pleskob ennañ. Lakaet e oa bet Pleskob en Arondisamant Gwened bet krouet e 1800.

XX^vet kantved

Brezelioù

Brezel-bed kentañ

• Mervel a reas 59 gwaz eus ar gumun abalamour d'ar brezel, eleze 5,36 % eus he foblañs e 1911.

Eil Brezel-bed

• Fuzuilhet e voe ur gwaz ag ar gumun e Landordu e Berne, d'ar 6 a viz Gouhere 1944 abalamour d'e berzh er Rezistañs; barnet e oa bet d'ar marv gant lez-varn al Lu alaman Ar Faoued.
• Mervel a reas nav den ag ar gumun abalamour d'ar brezel.

Brezelioù didrevadenniñ

• Mervel a reas ur gwaz e Brezel Indez-Sina ha daou waz e Brezel Aljeria.

Monumantoù ha traou heverk

• 
• 
• 

• Chapel Intron-Varia Lezurgan, 1455.
• Ur peulvan dirak ar chapel.
• Chapel Sant Amon.
• Chapel Sant Bartelame.
• Iliz katolik Sant Pêr.
• Monumant ar re varv dirak ar maerdi, luc’hskeudenn.
• Monumant ar re varv er vered, luc’hskeudenn. Dioueliet e voe d’ar 6 a viz Gouhere 1924.
• Plakenn ar re varv (1914-1918) en iliz katolik, luc’hskeudenn.

Sevenadur

• Festival an Trofe Warok a vez bep bloaz abaoe 1999, e miz C'hwevrer. Ur 6 000 den bennak a vez bewezh.

Brezhoneg

Ya d'ar brezhoneg

• D’an 28 a viz Genver 2005 e oa bet votet ar garta Ya d'ar brezhoneg gant kuzul-kêr ar gumun.
• D'an 18 a viz Mae 2006 e oa bet roet da gumun Pleskob al label Ya d'ar brezhoneg live 1.
• D'ar 25 a viz Genver 2013 e oa bet roet da gumun Pleskob al label Ya d'ar brezhoneg live 2.

Prizioù dazont ar brezhoneg

• Eil priz dazont ar brezhoneg 2010, rummad "Strollegezhioù" (rampo gant ti-kêr Plouha).

Deskadurezh

• Klasoù divyezhek a zo abaoe 2005 (skol prevez, rouedad Dihun).
• E distro-skol 2023 e oa 64 skoliad enskrivet er c'hlasoù divyezhek (11,2 % eus skolidi ar gumun evit a sell ouzh ar c'hentañ derez).
• Al Liesdegemer-kêr en deus sinet live 1 karta Divskouarn.

Kelenn d'an oadourien

• Kentelioù evit an dud deuet a zo eno gant ar gevredigezh Petra Neue.

Poblañs

Emdroadur ar boblañs abaoe 1962

Niver a annezidi

Tud

Tud ganet eno

• Charles Le Quintrec (1926-2008), skrivagner ha kazetenner gallek.

Ardamezeg ar familhoù

???	de Beaumont Aotrounez Kerdu	Ardamezioù disanvet
	de Gibon Aotrounez Kerizouët	En gul e deir manal ed en aour

Gevelliñ

Bro	Kêr	Abaoe
Roumania	Castelu	1998

Liammoù diavaez

• (fr) (br) Lec'hienn ofisiel
• (br) Pleskob war lec'hienn Geobreizh