Sant Harmon zo ur gêriadenn vihan hag ur barrez eus Kembre, e hanternoz Powys. Emañ en hanternoz da gêriadenn Rhaeadr Gwy war un hent bihan a gas da Llanidloes, war lez an Afon Marteg, un adstêr d'ar Gwy. Emañ en un tolead torgennoù izel, gant Moel Hywel an hini uhelañ anezho (505 m).

Iliz-parrez Sant Harmon.

Anvet eo ar gêriadenn diwar sant Garmon, anv kembraek sant Jermen Auxerre.

Istor kemmañ

Betek dibenn ar XVIvet kantved, e c'halled gwelet en iliz bazh pe groaz Sant Curig. Edo peniti ar sant-se nepell, e Llangurig, en tu all d'an torgennoù. Deskrivet e oa bet ar vazh-se gant Gerallt Gymro en e Itinerarium Cambriae ("Beaj dre Gembre", 1191). Implijet e veze ar vazh-se da wellaat d'ar glañvourien[1].

Gwennllian, merc'h Owain Glyndŵr a oa o chom gant he gwaz e palez Cenarth, e parrez Sant Harmon, er XVvet kantved.

Tud brudet kemmañ

Notennoù kemmañ

  1. Thomas Jones, Hanes y Daith Trwy Gymru, el levr Gerallt Gymro (Gwasg Prifysgol Cymru, 1938)