Alc'hweder sant Pêr

Alc'hweder sant Pêr

Alauda arvensis, ur viskoulenn en e bigos

Kudenn ebet (LC)

Rummatadur filogenetek

Riezad :

Skourrad :

Kevrennad :

Urzhad :

Kerentiad :

Genad :

Alauda

Anv skiantel

Alauda arvensis
Linnaeus, 1758

D'ar vevoniezh

e tenn ar pennad-mañ.

An alc'hweder sant Pêr (liester : alc'hwedered sant Pêr)^[1], pe alc'hweder-sant-Pêr^[2], a zo ur spesad golvaneged bihan, brudet evit e gan, Alauda arvensis an anv skiantel anezhañ.

An anv

Dont a ra e anv skiantel eus ar galianeg alauda "alc'hweder" dre al latin ălauda hag eus an anv-gwan latin arvēnsis a dalv kement hag "er parkeier".

E-barzh Geriadur ar brezhoneg a-vremañ (Skol Vreizh, 2000, pajenn 796a) e skriv Frañsez Favereau e reer LAPOUSS/-S (PE EVN) SANT PER eus ar spesad alc'hwedered-mañ peurvuiañ.
Savet eo bet an anv boutin brezhonek alc'hweder sant Pêr o veskañ daou anv poblek.

Ul labous brudet eo e Breizh. Ec'hweder zo un adstumm d'an anv, hag Eveder zo un adstumm all, deuet da vout anv-tiegezh. Labous Sant-Pêr zo un anv boas ivez, savet diwar ur vojenn : nijet e vefe an evn betek ar baradoz.

Doareoù pennañ

A. a. japonica, luc'hskeudennet e Japan.

Boued

Annez hag isspesadoù

██ Bezant, o ouennañ	██ Bezant, o chom	██ Bezañ, o tremen
██ Bezant, hep gouennañ	██ Bezant, degaset	██ A vefe aet da get ha degaset en-dro

Ar spesad a gaver an unnek isspesad^[3] anezhañ :

Alauda arvensis armenica, eus gevred Turkia da Iran,
A. a. arvensis, e hanternoz, kornôg ha kreiz Europa,
A. a. cantarella, e kreisteiz Europa eus biz Spagn da dTurkia hag ar C'haokaz,
A. a. dulcivox, Hume, 1872, eus gevred lodenn Europa eus Rusia ha kornôg Siberia da walarn Sina ha mervent Mongolia,
A. a. harterti, e gwalarn Afrika,
A. a. intermedia, eus hanternoz-kreiz Siberia da viz Sina ha Korea,
A. a. japonica, e kreisteiz Sac'halin, kreisteiz an Inizi Kouril, Japan hag Inizi Ryūkyū,
A. a. kiborti, e kreisteiz Siberia, hanternoz ha reter Mongolia ha biz Sina,
A. a. lonnbergi, e hanternoz Sac'halin,
A. a. pekinensis, e biz Siberia, Ledenez Kamtchatka hag an Inizi Kouril,
A. a. sierrae, e Portugal, kreiz ha kreisteiz Spagn.