An Drouizig

An Drouizig
Logo An Drouizig e 2023
Maskotenn An Drouizig e 2023
Titouroù
Anv ofisiel	An Drouizig
Deiziad krouiñ	5 Even 2003
Krouerien	Philippe Basciano-Ar Gall, Alan Monfort ha Gwenhael ar Menteg
Yezhoù	Brezhoneg
Gwir
furm wirel	Kevredigezh diskleriet hervez lezenn 1901
Sez (Kêr)	Reuz (abaoe 2022)
Sez (Bro)	Breizh
Lec'hienn internet
Perc'henn	An Drouizig
Herberc'hier	Lws
Lec'hienn internet	drouizig.org
Skignañ
Skignañ	Web
kemmañ

An DROUIZIG^[1] zo ur gevredigezh krouet e Gwened (Mor-Bihan) e miz Ebrel 2003. Anvet e oa Korvigelloù An Drouizig e deroù ar gevredigezh.

Savet eo bet gant Philippe Basciano-Ar Gall, Alan Monfort ha Gwenhael ar Menteg, evit lakaat ar brezhoneg da vont war-raok.

Spisaet eo bet hec'h obererezhioù war dachenn an teknologiezhioù nevez nemetken (urzhiataerioù personel, PDA, hezougelloù, porzhiadoù bilhedoù...)

Istor

An deroù (2003-2009)

Krouet eo bet An Drouizig gant tri den entanet gant sevenadur Breizh, Philippe Basciano-Ar Gall, Alan Monfort ha Gwenhael ar Menteg.

Ezel e oant holl anezhe eus K.S.G. (Kelc'h Sevenadurel Gwened)^[2], krouet gant Tugdual Kalvez.

P'eo bet krouet ar gevredigezh e oa anvet Korvigelloù An Drouizig. Buan eo bet cheñchet anv ar gevredigezh, evit dont da vezañ An Drouizig.

An izili kentañ

Alan Monfort en deus heuliet un aotreegezh war al Lizhiri arnevez. Dre e studioù eo deuet da vezañ yezhour. Plijet eo gant an nevezc'herioù. Puilh eo e obererezh evel den a-youl vat er gevredigezh evel troer e-mesk traoù all. Kalz troidigezhioù zo bet graet gantañ, en o zouez bandennoù treset (Gaston Lagaffe...)^[3]. Skrivet en deus al levr Gerioù evit komz brezhoneg bemdez^[4].

Gwenhael ar Menteg en deus heuliet ur vestroniezh war ar brezhoneg e Skol-Veur Roazhon II. Da c'houde eo bet kelenner war ar brezhoneg. Mab ar yezhour eus Brec'h Turiaw ar Menteg^[5]

Philippe Basciano-Ar Gall a zo arbennigour war an teknologiezhioù niverel. Skoliad eo bet el lise Sant-Charlez e Sant-Brieg. Tremenet eo dre glasadoù klasoù prientiñ al lise Kerichen e Brest. Tapet en deus un diplom ijinour e Telecom Nancy, e 1996.

Ar skipailh o vont war gresk (2009-2015)

2009

Kresket eo ar skipailh e 2009 gant izili nevez:

Denis Arnaud, eus Naoned, gwazour kenwerzh anezhañ.

Kadoriad An Drouizig eo c'hoazh Denis e 2015.

Michel Nedeleg, eus Bro Vigoudenn, paotr ar stlenneg anezhañ.

2014

E 2014 eo en em gavet tud a-youl vat nevez er gevredigezh:

Ur skipailh nevez (2016-2023)

2016

E 2016 ec'h en em gav un ezel:

Pêr Wani Alan Morvan.

Neuz o cheñch gant an amzer

Al logo

Testenn an alc’hwez
Niver	Tapadenn skramm	Deiziad deroù	Deiziad fin
1.	Testenn er gellig	Testenn er gellig	Testenn er gellig
2.	Testenn er gellig	Testenn er gellig	Testenn er gellig
3.	Testenn er gellig	Testenn er gellig	Testenn er gellig

Ar vaskotenn

Testenn an alc’hwez
Niver	Tapadenn skramm	Deiziad deroù	Deiziad fin
1.	Testenn er gellig	Testenn er gellig	Testenn er gellig
2.	Testenn er gellig	Testenn er gellig	Testenn er gellig
3.	Testenn er gellig	Testenn er gellig	Testenn er gellig

Al lec'hienn

Testenn an alc’hwez
Niver	Tapadenn skramm	Deiziad deroù	Deiziad fin
1.	Testenn er gellig	Testenn er gellig	Testenn er gellig
2.	Testenn er gellig	Testenn er gellig	Testenn er gellig
3.	Testenn er gellig	Testenn er gellig	Testenn er gellig

Palioù ar gevredigezh

E berr gomzoù, pal pennañ An Drouizig a zo kinnig binvioù niverel evit aesaat deskiñ ar brezhoneg.

Reiñ an tu d'an dud a gomz brezhoneg da gomz ar yezh-mañ war ar pemdez e kement degouezh 'zo, pe 'vefe el labour pe er vuhez prevez ;

Diorren ostilhoù yezhel diazezet war teknologiezhioù ar c'helaouiñ hag ar c'hehentiñ (TIC).

Krouiñ dafar pedagogel peusnevez evit ar yezhoù, e kement doare hag a c'hall bezañ efedus evel: an embann, an araokaat pedagogel, TIC, ha kement-all 'zo c'hoazh. ;

Kinnig stummadurioù d'ar micherioù yezhoniel, d'ar c'hehentiñ da doareoù kehentiñ 'zo, d'an doare da implijout an ostilhoù diorroet gant ar gevredigezh, hag all hag all. ;

He labourioù diazez

War meur a raktres e labour an Drouizig abaoe 2003. E labour a vez rannet e peder lodenn:

Diorren: difazierioù, ur c'hlavier, un displeger... ;
Skrivañ: geriaouegi arbennikaet, kelennskridoù ;
Treiñ: meziantoù, lec'hiennoù, brudañ troidigezh ar re all... ;
Kinnig: buhez ar gevredigezh.

Diorren

Difazierioù

An Drouizig Difazier

Empetet ha sevenet e vez un difazier evit ar reizhskrivadur hag ar yezhadur evit ar brezhoneg « An Drouizig Difazier »^[6].

Dalc'het eo e ratre, endouget eo bet evit meur a veziant^[7]^,^[8] ha brudet eo gant ar gevredigezh.

Hunspell evit ar brezhoneg

Diorroet e vez ar stumm brezhonek eus an difazier Hunspell.

Pal pennañ ar raktres-mañ a zo kinnig un difazier frank.

Bodañ hollad geriaouegoù ar brezhoneg, evit ober un difazier evit ar gumuniezh vrezhonek en he fezh a zo eil pal ar raktres.

Raktresoù all

Kinnig ha gwellaat skoroù evit ar yezhoù ha/pe ar meziantoù e brezhoneg.

Klavier C'HWERTY

Ergrafañ ha gwerzhañ ur c'hlavier C'HWERTY kempennet evit ar brezhoneg, an esperanteg hag ar yezhoù all gant arouezennoù diforc'hus peurliesañ (diviet eo ar c'henderc'had-mañ hiziv)...

Ar c'hlavier breizhat, kenwerzhet e 2003 gant ar gevredigezh (Korvigelloù) An Drouizig

Displeger verboù brezhoneg

Abaoe ar bloavezh 2018 e labour ur rann eus skipailh An Drouizig war ur raktres displeger verboù evit ar verboù brezhonek.

Daou bal a zo d'ar raktres-mañ:

bodañ holl verboù ar brezhoneg en ur zeskrivañ anezho er gwellañ ma c'heller.
kinnig displegadurioù e holl rannyezhoù standardekaet ar brezhoneg.

Skrivañ

Geriaouegoù

Skrivañ geriaouegoù evit lakaat brizhyezh ar stlenneg da vezañ komprenet. Gerva ar stlenneg zo bet savet da renabliñ ar gerioù graet gante e-pad an treiñ^[9].

Kelennskridoù

Skrivañ kelennskridoù da gelenn penaos ober gant ar meziantoù.

Peurlipat hag endougen nodrezoù gouezelek ha keltiek betek mentrezh Unicode 16 eizhbit.

Treiñ

Meziantoù

Treiñ e brezhoneg meziantoù a vez azasaet ouzh ur yezh all, peurliesañ dre ul lañvaz digor.

Ar pep gwellañ eo treiñ meziantoù savet evit meur a reizhiad korvoiñ (Windows, GNU/Linux, MacOS X…), n'eo ket dre ret, avat.

Gant ar skiant-prenet bet tapet abaoe 2003 war dachenn an treiñ e vez kinniget meur a servij pemdeziek gant ar meziantoù troet gant an Drouizig evel:

Servijoù enlinenn (merdeiñ, eskemm...) ;
Un heuliad burevek (skrivañ, ...) ;
Ostilhoù graferezh (tresañ...).

Servijoù enlinenn

Merdeiñ

Mozilla Firefox^[10]: ur merdeer web digoust, diorroet ha dasparzhet gant Mozilla Foundation.

Eskemm

Mozilla Thunderbird^[11]: ur meziant postelerezh digor ha digoust, savet gant Mozilla Foundation.

Heuliad burevek

Skrivañ

LibreOffice^[12]:

Ostilhoù graferezh

Tresañ

The Gimp: ur meziant keweriañ ar skeudennoù bitmap.
Inkscape: ur meziant krouiñ pe gemmañ skeudennoù sturiadel.

C'hoarioù video

Ouzhpenn evit meziantoù a vez troet gant An Drouizig c'hoarioù video a vez troet ivez. En o zouez e vez kavet c'hoarioù bihan liesseurt ha c'hoarioù brasoc'h.

C'hoarioù video bihan

Pacman:
tetris:
c'hoarioù kartoù:
...

C'hoarioù video brasoc'h

C'hoarioù video frank

Super Tux Kart: ur c'hoari kartoù o trevezañ Super Mario Kart.
SuperTux: ur c'hoari a denn ouzh Super Mario Bros.

C'hoarioù video kenwerzhel

Steredenn: ur c'hoari kenwerzhel bet krouet gant ar studio Pixelnest.
Flipon: ur c'hoari kenwerzhel bet krouet gant ar studio Pixelnest.

Dibaboù yezh

Troet e vez gant ur c'heriaoueg kempoell. Pa 'z eo ar geriaouegoù stabil e chomo an troidigezhioù efedus evit an arveriaded rak ne vo ket ret dezhe deskiñ-dizeskiñ gerioù disheñvel pa yay d'ur meziant d'egile. Ur vuhez niverel plijus hag efedus e brezhoneg ez eus tro da gaout dre ar meziantoù-mañ.

Pajennadoù da vrudañ he labourioù ha labourioù tud all a zalc'h an Drouizig gant ma chomint war he zachenn oberiantiz^[1]. En he dielloù ez eus teuliadoù pe gendivizoù diwar-benn troidigezh ar meziantoù evit ar brezhoneg pe, gant un doare ledanoc'h evit ar yezhoù bihanaet, eus rannvroioù, lakaet diaes o buhez rak n'int ket ken donezonet hag ar brezhoneg.

Kinnig

Prezegennoù e galleg a ginnig an Drouizig ivez evit diskouez he labourioù, displegañ he dibaboù^[13]…

Traoù all kaset da benn

Deverket eo bet ar voneg pivelezh (LCID) 0x047e=1150 d'ar brezhoneg gant Microsoft e dibenn 2006^[14]. Goulennet eo bet e 2002 gant an Drouizig, bountet warni gant Ofis ar Brezhoneg war-lerc'h. A-drugarez d'ar voneg-se ez eo deuet da vezañ posupl troidigezh meziantoù Microsoft e brezhoneg, da gentañ penn he reizhiad korvoiñ Windows hag he heuliad burevek Office.

Lakaet kefridiel eo bet ar brezhoneg e-barzh kenderc'hadoù ensavidigezh Mozilla^[15], gant an Drouizig, skoazellet gant nebeut a dud. Gant an Drouizig eo ardoet an troidigezhioù.

Kemeret eo bet e kont gant OpenOffice.org ar yezhoù br-FR (brezhoneg)^[16] ha la-VA (latin)^[17].

Kemeret eo bet e kont gant OpenOffice.org teir yezh all eus Bro-C'hall (tahitianeg, shimaoreg, kibuchieg)^[18].

Skrivet ez eus bet sturioù evit klavieroù arbennik evit yezhoù dre arouezennoù diforc'hus. Ur stur evit ur c'hlavier keverlec'h gant AZERTY zo bet savet evit an esperanteg da skouer. Sturioù all zo bet skrivet evit ar chimaoreg, ar peuleg pe an eweeg.

Un difazier reizhskrivadurel zo bet krouet evit al latin COL^[19] gant an Drouizig. Skiantourion war ar Grennamzer pe dud an Iliz a ra gantañ.

Live yezh ha dibaboù gerioù

Anavezet eo an Drouizig en abeg d'he dibaboù gerioù. Lakaet eo bet e pleustr a-dost labourioù Guy Étienne, savet gantañ Geriadur ar Stlenneg^[20], embannet gant Preder e 1995. Hêrez war-eeun d'ar Skol SADED, e kinnig Preder ul labour nevezc'heriañ e brezhoneg a zo troet davet amprestañ, adkelc'hiañ pe c'hoveliañ gerioù nevez diazezet war gwriziennoù brezhonek pe geltiek (brezhoneg, henvrezhoneg, krennvrezhoneg, kembraeg, galianeg...). Ganti e vez laosket a-gostez gant un doare emgefreek pe dost ar gerioù "etrevroadel" pe dapet diouzh ar galleg.

Rebechet ez eus bet ouzh an Drouizig testennoù re "zigomprenadus", troidigezhioù diaes evit ar re n'o deus ket desket. A-eneb d'ar rebechoù-se he deus respontet an Drouizig e oa bet tennet he geriaoueg diouzh labourioù anavezet, embannet, lavaret talvoudus gant arbennigourion, labourioù a roe d'an Drouizig un azez labour sirius hag aes da gorvoiñ.

Notennoù ha daveoù

[drouizig.org-1] 1,0 ha^1,1 http://www.drouizig.org

[2] ttp://www.languebretonne-ksg.org

[3] ttp://hizivandeiz.free.fr

[4] Monfort, Alan. Gerioù evit komz brezhoneg bemdez = Des mots pour parler le breton tous les jours. S.l.: Alan Monfort, 1998. 978-2-9512487-0-0

[5] ttp://rezore.blogspirit.com/archive/2007/10/01/brezhoneg-ur-geriadur-nevez-un-nouveau-dictionnaire.html

[6] ttp://blogs.msdn.com/b/correcteurorthographiqueoffice/archive/2007/09/18/un-correcteur-orthographique-et-grammatical-breton-pour-office-2007.aspx

[7] ttps://web.archive.org/web/20130117034008/https://addons.mozilla.org/en-US/firefox/addon/breton-spell-checking-dictiona/

[8] ttp://extensions.libreoffice.org/extension-center/an-drouizig-breton-spellchecker

[9] ttps://web.archive.org/web/20130202032504/http://www.difetis.com/fr/dictionnaire/30-gerva-ar-stlenneg.html

[10] ttp://www.mozilla.org/br/firefox/fx/

[11] ttp://www.mozilla.org/br/thunderbird/

[12] ttp://www.libreoffice.org/download/?type=win-x86

[13] ttp://www.letelegramme.com/local/cotes-d-armor/lannion-paimpol/larochederrie/cavan/ti-ar-vro-conference-ce-soir-avec-an-drouizig-14-10-2011-1463993.php?xtmc=langue&xtcr=3

[14] ttp://msdn.microsoft.com/en-us/goglobal/bb964664

[15] ttps://bugzilla.mozilla.org/show_bug.cgi?id=443368

[16] ttps://issues.apache.org/ooo/show_bug.cgi?id=48948

[17] ttps://issues.apache.org/ooo/show_bug.cgi?id=64838

[18] ttps://issues.apache.org/ooo/show_bug.cgi?id=108600

[19] ttps://web.archive.org/web/20120724120001/http://drouizig.org/index.php?option=com_content&view=article&id=75&Itemid=68&lang=fr

[20] ttps://web.archive.org/web/20131031221110/http://preder.net/index.php?option=com_content&view=article&id=1275%3Adictionnaire-de-linformatique&catid=40%3Adictionnaires&Itemid=65&lang=fr

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]