Strossburi

Straßburg
Ribl an Ill hag iliz-veur Itron-Varia.
Anv elzasek	Strossburi
Anv alamanek	Straßburg
Anv gallek (ofisiel)	Strasbourg
Bro	Elzas
Melestradurezh
Stad	Frañs
Rannvro	Grand Est (prefeti)
Departamant	Roen-Izel (prefeti)
Arondisamant	Straßburg (pennlec'h)
Kanton	Pennlec'h dek kanton : 1, 2, 3, 4, 5, 6
Kod kumun	67482
Kod post	67000, 67100, 67200
Maer Amzer gefridi	Jeanne Barseghian 2020-2026
Etrekumuniezh	Strasbourg Eurométropole
Lec'hienn web	https://www.strasbourg.eu
Poblañsouriezh
Poblañs	290 576 ann. (2020)
Stankter	3 713 ann./km²
Douaroniezh
Daveennoù lec'hiañ	48° 35′ 05″ Norzh 7° 45′ 02″ Reter
Uhelderioù	bihanañ 132 m — brasañ 151 m
Gorread	78,26 km²
Lec'hiadur
[[Skeudenn:Patrom:Geolec'hiañ/|300px|center]] Straßburg

Kêr-benn Elzas eo Strossburi (alemaneg, distaget [ˈʃd̥rɔːsb̥uri]), Straßburg en alamaneg, distaget [ˈʃtʁaːsbʊʁk]) pe Strasbourg e galleg hag ent-ofisiel (distaget: [stʁazbuʁ], [stʁasbuʁ]). War c'hlann gleiz ar stêr Roen emañ, e-tal ar gêr alaman Kehl e Baden-Württemberg. Pennlec'h departamant ar Roen-Izel eo ivez, ha sez meur a ensavadur etrebroadel evel Parlamant Europa ha Kuzul Europa.

Iliz-veur Strossburi

An anv

Argentoratum e oa an anv keltiek a-raok donedigezh ar Romaned. Meneget e voe an anv er bloaz 12 kent JK, pa voe savet ur c'hamp roman gant Nero Claudius Drusus.

Istor

Adal ar bloaz 90 e voe kamp diazez al Lejion VIII Augusta .

E 842 e voe touet Leoù Straßburg etre Karl Voal, roue Frankia ar C'hornôg ha Loeiz Germania, roue Frankia ar Reter, a-enep o breur Lotar Iañ.

Ur perzh a-bouez a gemeras Strossburi en Disivoud protestant en XVI^vet kantved.

Staget e voe ouzh Bro-C'hall e 1681, 1918 hag abaoe 1945 hervez ar brezelioù a oa etre Bro-C'hall ha Prusia pe Alamagn.

Douaroniezh

Treuzet eo Strossburi gant ar stêr Ill. E traoñienn ar Roen emañ, war ribl kleiz ar Roen, etre menezioù ar Vojoù un 20 km bennak d'ar c'hornôg hag ar C'hoad Du 25 km d'ar reter en tu all d'ar stêr bras, a-dal da kêr gKehl, e Baden-Württemberg. E kreiz ur c'hroashent bras europat emañ, e-lec'h eo fetis ar treizhid dre hent, dre hent-houarn ha dre stêr etre ar Su hag an Norzh.

Savadurioù ha glad

Brudet eo an iliz-veur gotek savet e krag hag he horolaj steredoniel, ha tiez o bannoù koad ar straedoù grennamzerel. Kalz savadurioù eus mareoù all a gaver avat : ilizoù e-leizh, savadurioù eus an Azginivelezh alaman (ar gambr kenwerzh ha greanterezh), palezioù eus ar barok gall (ar palez Roc'han), tiez an Arz Nevez (Palais des Fêtes), ha mell ensavadurioù evel ti Lez europat gwirioù mab-den.

Pontoù eus ar Grennamzer betek ar mare a-vremañ, parkoù liesseurt ha mirdioù zo ivez, evel Mirdi an arzoù-kaer, Mirdi an arzoù-kinklañ, Mirdi Tomi Ungerer, ar Mirdi elzasat, Mirdi an arkeologiezh, etc.

Sportoù

Ar Racing Club de Strasbourg zo e-touez ar c'hluboù sport a-vicher brudetañ ar gêr, ur c'hlub mell-droad eo. Kluboù basket-ball ha hoke-war-skorn zo ivez.

Tud brudet

Tud ganet e Stroosburi

• Ludwig I^añ (1786-1868), roue Bavaria
• Tomi Ungerer (1939-2019), treser ha skrivagner
• M. Pokora (g. e 1985), kaner

Annezidi brudet

• Johannes Gutenberg (wd 1400 - 1468), ijiner ar moullañ
• Jean Calvin (1509-1564), doueoniour gall
• Johann Wolfgang von Goethe (1749-1832), skrivagner
• Louis Pasteur (1822-1895), kimiour ha fizikour gall, bet kelenner e Skol-Veur Strossburi
• Ferdinand Braun (1850-1918), fizikour hag ijinour

Kêrioù gevellet

• Boston (SUA) abaoe 1960
• Leicester (Bro-Saoz) abaoe 1960
• Stuttgart (Alamagn) abaoe 1962
• Dresden (Alamagn) abaoe 1990
• Ramat Gan (Israel) abaoe 1991

Emglevioù kenlabour he deus Strossburi gant :

• Jacmel (Haiti) abaoe 1996 (kenlabour digreizennet)
• Veliky Novgorod (Rusia) abaoe 1997 (kenlabour digreizennet)
• Fes (Maroko) (kenlabour digreizennet)
• Douala (Kameroun) (kenlabour digreizennet)
• Bamako (Mali) (kenlabour digreizennet)

Liammoù diavaez

• (fr) (de) (en) lec'hienn ofisiel ar gêr
• (fr) (de) (en) (es) (it) lec'hienn ofis an douristed