Gwiler-Leon

Dekred eus ar 26 a viz Du 1790 war al le ret: e penn-kentañ 1791 e voe nac'het al le ouzh ar Roue, ar vro hag al lezennoù gant ar person, Guillaume-Marie Ulfien Duval, ha daou gure, Yves Provost ha François Cariou^[2].

Mervel a reas 37 gwaz eus ar gumun, da lâret eo 1,69% eus he foblañs e 1911, abalamour d'ar brezel^[3].

Lazhet e voe ur soudard ag ar gumun d’an 10 a viz Even 1940 e Sainte-Barbe-sur-Gaillon (Eure, Bro-C'hall)^[4].
D'ar 6 a viz Gouere 1941 e kouezhas un nijerez Wellington II marilhet W5360 ha kodet PH-U eus ar 12th Squadron eus ar Royal Air Force (aerlu ar Rouantelezh-Unanet) e Gwiler; lazhet e voe he c’hwec’h nijour, douaret int e bered ar gumun^[5]; d'ar 16 a viz Ebrel 1943 e kouezhas ur c'harr-nij B-24D-15-CO (anvet "Ball of Fire Junior", marilhet 41-23874 ha kodet YM-?) eus aerlu ar Stadoù-Unanet (United States Army Air Forces) gant unnek milour en e vourzh e Gwiler-Leon; tri anezhe a voe lazhet (daou a zo douaret er Brittany American Cemetery e Montjoie-Saint-Martin), ar re all a voe tapet gant an Alamaned^[6].

Brezhoneg

Klasoù divyezhek brezhoneg-galleg zo er skol gatolik Santez-Tereza abaoe 2002.
E distro-skol 2024 e oa 92 skoliad enskrivet er c'hlasoù divyezhek (8,8 % eus skolidi ar gumun evit a sell ouzh ar c'hentañ derez)^[7].

Iliz katolik Sant Volantin.
Maner Keroual.
Monumant ar re varv, luc’hskeudenn^[8]. Ouzhpennet e voe 25 anv d’ar 5 a viz Mae 2018^[9]^,^[10]

Karrnijourion e oant holl. Mervel a rejont d'ar 7 a viz Gouere 1941 e-pad an Eil Brezel Bed^[11].

Niver a annezidi

Bro	Kêr	Abaoe
Iwerzhon	Béal Átha hAmhnais	1984
Sikilia	Baucina