Ilfinieg

Ilfinieg (Yffiniac e galleg) a zo ur gumun eus kanton Tregaeg e departamant Aodoù-an-Arvor, e norzh Breizh.

Ilfinieg
An ti-kêr
Anv gallaouek	Finyac
Anv gallek (ofisiel)	Yffiniac
Bro istorel	Bro-Sant-Brieg
Melestradurezh
Departamant	Aodoù-an-Arvor
Arondisamant	Sant-Brieg
Kanton	Langaeg (betek 2015) Tregaeg (abaoe 2015)
Kod kumun	22389
Kod post	22120
Maer Amzer gefridi	Denis Hamayon 2020-2026
Etrekumuniezh	Sant-Brieg Arvor Tolpad-kêrioù
Bro velestradurel	Bro Sant-Brieg
Lec'hienn Web	(fr)Ti-kêr
Poblañsouriezh
Poblañs	4 980 ann. (2022)
Stankter	286 ann./km²
Douaroniezh
Daveennoù lec'hiañ	48° 29′ 09″ Norzh 2° 40′ 34″ Kornôg
Uhelderioù	kreiz-kêr : 10 m bihanañ 5 m — brasañ 147 m
Gorread	17,44 km²
Ilfinieg

Douaroniezh

• War lez genoù ar stêr Urn emañ Ilfinieg.

Dezougen

• 
  Panell.
• 
  Ar porzh-houarn.

• War al linennoù hent-houarn Ilfinieg Matignon, serret e 1948, hent-houarn Brest Roazhon emañ Iffinieg.

Anv

«Ilfiniac» eo ar stumm skrivet koshañ anavezet (1182).

Gerdarzh

N'eus gerdarzh asur ebet evit an anv-mañ a ouzer hepken eo un anv a-orin galianek-ha-romanek.

• Evit G. Taverdet (Prezidant ar Société française d'onomastique) e c'hallfe bezañ un emdroadur eus ar rummad anvioù evel "Épiniac", hag a verk lec'hioù a-hed un hent bras kozh.
• Evit Bernard Tanguy e c'hallfe dont diwar anv ar gwez-ivin, pe un anv-den galianek-ha-romanek dizave "Ivinius".
• Ar gomz Ifinieg a vefe un anv-harz. Eus al latin fines : an harz, gant al lostger -iacus lakaet war e lec'h^{(Daveoù a vank)}.

Ardamezioù

En aour e leon en gul krabanet ha teodet en glazur. Diwar ardamezioù tiegezh Pont-'n-Abad (siell 1384)

Istor

Dispac'h Gall

• E 1790 e voe lakaet Ilfinieg da benn ur c'hanton. Dilamet e voe kanton Ifinieg e 1801.

XX^vet kantved

Brezel-bed kentañ

• Mervel a reas 119 gwaz abalamour d'ar brezel hervez monumant ar re varv, da lavaret eo 5,97 % ag ar boblañs hervez an niveradeg bet graet e 1911. Tri soudard eus ar gumun a voe lazhet e Maissin e Belgia e miz Eost 1914, en 19vet Rujumant Troadegiezh e oant. Daou soudard ag ar gumun a voe lazhet e Boezinge e Belgia d’an 22 a viz Ebrel 1915, er 74vet Rujumant Troadegiezh Tiriadel e oant.

Eil Brezel-bed

• Mervel a reas pemzek den ag ar gumun abalamour d'ar brezel; ur soudard yaouank a varvas e 1947 en Alamagn p'edo e dalc'h Bro-C'hall

Brezelioù didrevadennañ

Brezel Indez-Sina

• Mervel a reas daou soudard er Viêtnam.

Tunizia

• Mervel a reas ur milour e Sousse d'an 30 a viz Genver 1956.

Monumantoù ha traoù heverk

• 
  An iliz katolik.
• 
  Ar chapel.
• 
  feunteun ar chapel.

• Iliz katolik Sant Albin.
• Chapel Sant Laorañs ar Seizh Sant hag he feunteun.
• Monumant ar re varv e-tal an iliz katolik, luc’hskeudenn. Dioueliet e voe d’ar 24 a viz Mae 1920.

Emdroadur ar boblañs abaoe 1962

Niver a annezidi

Tud

Tud bet ganet eno

• 1954 : Bernard Hinault, marc'hhouarner.

Ardamezeg ar familhoù

	Annor Aotrounez la Roche En gul e bempdeliaouenn en erminoù
	Le Bigot de la Villerabel Palefarzhet : ouzh 1 ha 4 en argant e leon kudennek en sabel kurunet en gul ; ouzh 2 ha 3 en gul e greskenn en aour
	de Plédran Aotrounez Beaurepaire ha la Villeguermel En aour e seizh mailhenn en glazur, 3, 3, 1 [PPC]

Melestradurezh

Roll maered ar gumun
Mare		Anv	Strollad	Karg
2020	→ bremañ	Denis Hamayon	Strollad Sokialour Gall
2001	2020	Michel Hinault	Strollad Sokialour Gall
1989	2001	Marcel Chaplain	Strollad Sokialour Gall
1977	1989	Louis Marteil	RPR
1965	1977	Pierre Cléret	Strollad Sokialour Gall
	1965	Mathurin Auffray
N'eo ket anavezet c'hoazh an holl fedoù.

Brezhoneg

• E distro-skol 2024 e oa 39 skoliad enskrivet er c'hlasoù divyezhek (13 % eus skolidi ar gumun evit a sell ouzh ar c'hentañ derez). https://www.brezhoneg.bzh/98-kelenn.htm

Liammoù etrebroadel

Gevelliñ

bro	kêr	abaoe
Alamagn	Wackersberg	2002

Kevelouri

bro	kêr	abaoe
Aod an Olifant	Kolia	1992

Liammoù diavaez

• (br) Ilfinieg war lec'hienn Geobreizh