Kerien-Boulvriag

Kerien a zo ur gumun lec'hiet e 8 km e su da bennlec'h ar c'hanton kozh: Boulvriag. Ar c'humunioù tostañ a zo Kerbêr, Larruen, Mael-Pestivien ha Magor. Etre Boulvriag ha Kerien emañ ode Roc'h C'hlas Vihan hag a zo en hec'h uhelañ e 300 metrad uhelder. Ar Blavezh a dremen e traoñ ar bourk. Kumun Kerien en em led war 21,88 km², tro-dro 12,8 annezidi dre km² a zo e Kerien. Hec'h uhelder izelañ a zo 223 metrad hag an hini uhelañ a zo 307 metrad, 265 metrad eo an uhelder keitat, hini ar bourk.

Brezhoneg

Ar Brezoneg er Skol

1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[3].

Istor

Kerien a oa un drev eus Botoha (hiziv an deiz ur gêriadenn e Sant-Nikolaz-ar-Pelem). An drev-se a oa bet diazezet etre penn kentañ an XII^vet kantved betek fin an XIII^vet kantved evel ma seblant prouiñ moudenn c'hladdalc'hel Kozhkêr-Jehan.

XX^vet kantved

Brezel-bed kentañ

Mervel a reas 47 gwaz abalamour d'ar brezel hervez monumant ar re varv, da lavaret eo 4,60 % ag ar boblañs hervez an niveradeg bet graet e 1911^[4]; mervel a reas daou anezhe e Belgia d’an 22 a viz Eost 1914, e penn- kentañ ar brezel: ur soudard a varvas abalamour d’e c’hloazidennoù e Sambreville, er 47vet Rujumant Troadegiezh e oa ^[5] hag ur soudard eus an 48vet Rujumant Troadegiezh a voe lazhet en Ham-sur-Sambre^[6].

Eil Brezel-bed

Kemeret e voe 5 340 Lur en ti-post, gant tri ezel eus ar Rezistañs moarvat, d’an 22 a viz Ebrel 1944, hervez danevell sizhuniek Titouroù Hollek Sant-Brieg^[7].
Mervel a reas nav den eus ar gumun abalamour d'ar brezel^[4].

Etimologiezh

Kerien a zeufe eus Sant-Kerian pe Kerrien, ur penitiour eus ar V^vet kantved, ganet e Hibernia, hag a vefe bet douaret e Kleder. Kavandad Sant Ke pe Kenan, lesanvet "Collodoc" e oa pa zivroas hemañ en Arvorig.

Monumantoù ha traoù heverk

Glad relijiel katolik Kerien

Porched su an iliz.
Ar groaz er vered.
Ar chapel.

E Kerien ez eus un iliz katolik gouestlet da Sant Pêr (1836–1852). An iliz a zo bet benniget e 1838. Ar c'hloc'hdi (pe tour) a zo eus 1852. Ar porched er su a zo bet adaozet hag amzeriet eo bet eus ar XVI^vet kantved.

Ur chapelig a zo ivez, hini Sant-Yann-Peniti (XVIII^vet kantved). Adsavet eo bet tro-dro da 1846. Gallout a rafe bezañ ur berc'henniezh kozh da Ospitalourien Sant-Yann Jeruzalem. Ar feunteun lec'hiet nepell diouzh an iliz a zo amzeriet eus 1733.

Kalvarioù Kerlegan (XVI^vet kantved), Boge (XVI^vet kantved), Kerligan (XVI^vet kantved).
Kroaz Kerlouet (XVI^vet kantved) ha Langrenn (XVII^vet kantved).
Kroaz ar vered.

Traoù all heverk

Kerligan.
Kozhkêr-"Jehan"
Magouroù.

Peulvan ar bourk, hini Kerligan hag hini Kozhkêr-"Jehan" (?).
"Alez-toet" pe "hent korriganed" Menez Krec'h-an-Arc'hant.
Hent dindan douar ar Paou (Oadvezh an houarn).

Ar voudenn.

Moudenn c'hladdalc'hel Kozhkêr-"Jehan" (?) (XII^vet–XIII^vet kantved).
Pont Roudour Gwezeg (Krennamzer).
Monumant ar re varv, luc’hskeudenn^[8].

Dizoloadegoù e Kerien

Kavet ez eus bet ur goustilh en arem, ur c'hobed hag un darbod grafitet e Kerien. Dizoloet ez eus ivez un hent dindan douar, e Kerien, er Paou. Kavet eo bet a-drugarez d'ul leue a oa kouezhet e-barzh!!!

Emdroadur ar boblañs

Emdroadur poblañs Kerien abaoe 1793

Melestradurezh

Tud

Liammoù diavaez

Commons

Muioc'h a restroù diwar-benn

Kerien-Boulvriag

a vo kavet e Wikimedia Commons.

(br)Kerien war lec'hienn Geobreizh

Notennoù ha daveoù

↑ (fr)Ouest-France
↑ Roadennoù ofisiel e lec'hienn an EBSSA
↑ (fr)Marsel Guieysse, La langue bretonne : ce qu'elle fut, ce qu'elle est, ce qui se fait pour elle et contre elle, pajenn 266, Kemper, Nouvelles Éditions Bretonnes, 1936
↑ ^4,0 ha^4,1 (fr)Monumant ar re varv - Memorial Genweb
↑ (fr)Fichenn hiniennel - Memorial Genweb
↑ (fr)Fichenn hiniennel - Memorial Genweb
↑ (fr)Éric Rondel, En attendant le Débarquement en Bretagne du 15 août 1943 au 6 juin 1944, pajennoù 205 ha 206, Dastumadenn Guerres et Conflits, Embannadurioù Astoure, Pleherel, 2011
↑ (fr)Memorial Genweb

[1] (fr)Ouest-France

[2] Roadennoù ofisiel e lec'hienn an EBSSA

[3] (fr)Marsel Guieysse, La langue bretonne : ce qu'elle fut, ce qu'elle est, ce qui se fait pour elle et contre elle, pajenn 266, Kemper, Nouvelles Éditions Bretonnes, 1936

[memorialgenweb.org-4] 4,0 ha^4,1 (fr)Monumant ar re varv - Memorial Genweb

[5] (fr)Fichenn hiniennel - Memorial Genweb

[6] (fr)Fichenn hiniennel - Memorial Genweb

[7] (fr)Éric Rondel, En attendant le Débarquement en Bretagne du 15 août 1943 au 6 juin 1944, pajennoù 205 ha 206, Dastumadenn Guerres et Conflits, Embannadurioù Astoure, Pleherel, 2011

[8] (fr)Memorial Genweb

[1]

[2]

[3]

[4]

[5]

[6]

[7]

[8]