AA 52
An AA 52, anvet ivez AAT 52, AANF1 pe diouzh hec'h anv ofisiel e galleg Arme Automatique Transformable Modèle 52, zo ur vindrailherez ha fuzuilh-vindrailher c'hall lakaet e servij e 1952 en arme Bro-C'hall ha kambret da gentañ e 7,5 × 54 mm 1929C.[1]
| Arme Automatique Transformable Modèle 52 | |
|---|---|
 Ur vindrailherez AA 52 montet war ur c'harr eus an arme c'hall. | |
| Kinnig | |
| Bro |  Frañs
|
| Mont en-dro | Fuzuilh-vindrailher ha mindrailherez (hervez ar stumm) aotomatek |
| Munisionoù | 7,5 × 54 mm 1929C 7,62 × 51 mm NATO |
| Produerien | Manufacture d'Armes de Saint-Étienne Manufacture d'Armes de Châtellerault |
| Mare implij | 1952 – 2008 (en arme c'hall) |
| Pouez ha muzulioù | |
| Mas (hep kartouchenn) | 9,750 kg (stumm FM), 10,500 kg (stumm MIT) |
| Hirder | 980-1150 mm (stumm FM), 1.080-1.245 mm (stumm MIT) |
| Hirder ar c'hanol | 500 mm (stumm FM), 600 mm (stumm MIT) |
| Perzhioù all | |
| Hed-tenn pleustrek | 800 m (stumm FM), 1.200 m (stumm MIT) |
| Endalc'h | Bandennadoù 50 kartouchenn (stumm FM), 200 kartouchenn (stumm MIT) |
Istor
kemmañAr fuzuilhoù-mindraiher implijet gant an arme c'hall e deroù an Eil Brezel-bed e oa ar MAC 24/29. Goude ar brezel e oa dizunvan an armoù implijet, ar mindrailherezioù ha fuzuilhoù-mindrailher en o zouez : lod tapet e stokoù an arme alaman (MG 42), lod bet digant Stadoù-Unanet Amerika hag ar Rouantelezh-Unanet.[1]
En diskar-amzer 1944 e voe goulennet gant an uzinoù armoù Stad ijinañ patromoù nevez a-benn pourvezañ an arme c'hall a oa o vezañ adsavet. Ur patrom fuzuilh-vindrailher savet gant uzin armoù Châtellerault a voe dibabet hag anvet AA Mle 52. Kambret e oa evit kartouchennoù gall 7,5 × 54 mm 1929C implijet dija en armoù zo a-raok ar brezel (MAS-36 ha MAC 24/29 da skouer).
Daou stumm nes a voe savet eus an AA 52 : unan FM (fuzuilh-vindrailher), skañvoc'h, berroc'h ha dezhañ un daoubez, hag unan all MIT (mindrailherez) pounneroc'h ha montet war ar memes trebez hag ar mindrailherezioù stadunanat Browning M2. E dibenn ar bloavezhioù 1960 e voe savet un adstumm kambret e 7,62 × 51 mm NATO [1]. Chom a reas an AA 52 e servij en arme c'hall betek 2008 a-raok ma voe kemeret o flas gant ar mindrailherezioù belgiat FN MAG.[2]
Implij war garbedoù
kemmañEn arme c'hall e vez implijet an AA 52 war an tankoù Leclerc hag ar VBL. Implijet eo bet war veur a garbed en amzer dremenet evel ar rummad AMX, an ERC-90 Sagaie, an EBG, ar Panhard AML 60 ha 90, ar Panhard M3 VTT, ar Peugeot P4, ar VAB pe ar VLRA. Montet e voe ivez an AA 52 war girri-nij brezel Fouga CM-170 Magister.
Implijerien ofisiel
kemmañDaveennoù
kemmañ- ↑ 1,0 1,1 ha1,2 (fr) BREUVART Pierre, La mitrailleuse AA Mle 52 (div lodenn) er c'helaouennoù Cibles n°643 (miz Genver 2024) ha Cibles n°644 (miz C'hwevrer 2024)
- ↑ (fr) GUISNEL Jean, L'armée française fait ses emplettes en Belgique, war Le Point, 18/11/2011 (lennet d'an 03/02/2024)
