Carl Walther
Walther zo ur produer armoù-tan alaman savet e 1886 e Zella-Mehlis e Thüringen. E kêr Ulm emañ sez sokial an embregerezh bremañ.
Carl Walther GmbH | |
---|---|
| |
Krouidigezh | 1886 |
Saver | Carl Walther |
Sez sokial | Zella-Mehlis (betek 1945) ; Ulm (abaoe 1949) |
Produioù | Armoù-tan |
Kevredigezh e penn | PW Group |
Lec'hienn Internet | carl-walther.com |
Istor kemmañ
Carl Wilhelm Freund Walther a zigoras e stal fuzuilhoù gentañ e 1886 e Zella-Melhis (Thüringen). Kregiñ a reas e 1908 da broduiñ pistolennoù diwar atiz e vab henañ, Fritz Walther. Ar patromoù kentañ eus 1 da 5 hag eus 7 da 9 a oa kambret e .25 ACP (6.35mm) ha .32 ACP (7.65mm). Ar patrom 6 e oa an hini kentañ gant Walther kambret e 9mm Luger ; ne reas ket berzh hag ur mil bennak a voe produet nemetken.
E 1929 e krogas da broduiñ ar rummad pistolennoù brudet Walther PP Polizeipistole (pistolennoù polis). E 1931 e kendalc'has gant ar PPK kentañ (Polizeipistole Kriminalmodell, da lavaret eo « pistolennoù evit an ensellerien »). An daou rummad PP ha PPK a oa kambret e .22 Long Rifle, .32 ACP, .380 ACP hag un nebeud anezho e .25 ACP. Ar PP a oa ar pistolennoù kentañ produet a-yoc'h gant teknik ar c'hoagañ. E 1938 e voe diuzet ar Walther P38 9mm gant ar renad nazi evit kemer plas al Luger P08 er Wehrmacht.
Adalek 1942 betek 1945 e voe implijet prizonidi kamp-bac'h gant an embregerezh. Ul labouradeg a voe savet war-eeun er c'hamp.
E dibenn an Eil Brezel-bed e voe distrujet labouradegoù an embregerezh ha lakaet Zella-Mehlis en takad soviedel. Ne chome nemet steuñvioù ha brevedoù armoù diwar Walther. Fritz Walther a adkrogas pep tra en-dro hag a savas ul labouradeg en Ulm (Republik Kevreadel Alamagn). Ablamour d'ar berzioù war ar produiñ armoù e krogas da sevel mekanikoù-jediñ ha prestik goude armoù dre aer gwasket[1]
E 1957 e adkrogas Walther da broduiñ ar P38, adanvet P1, da bourveziñ ar Bundeswehr gant armoù-dorn. Fritz Walther a varvas e 1966. E vab Karl-Heinz a gasas produiñ an embregezh war-zu an armoù sport.
E 1993 e voe prenet Walther gant Umarex Sportwaffen (bremañ ur rann eus PW Group), eus Arnsberg e Nordrhein-Westfalen. Kendalc'het e voe ar produiñ armoù dindan an anv Walther en Ulm hag en Arnsberg.
E 1999 e teuas an embregerezh stadunanat Smith & Wesson da vezañ enporzhier Walther e Stadoù-Unanet Amerika. PW Group a savas e 2012 Walther Arms, Inc. e Fort Smith (Arkansas) e bal gwerzhañ armoù Walther er Stadoù-Unanet.
Produioù kemmañ
Pistolennoù kemmañ
|
|
Pistolennoù dre aer gwasket kemmañ
Fuzuilhoù kemmañ
- Walther G43
- Walther G22
- Walther WA 2000
Karabinennoù kemmañ
- Walther KKJ22 Hornet
- Walther KKJ22 LR
Karabinennoù dre aer gwasket kemmañ
Sevenadur kemmañ
• Ar Walther PPK eo arm muiañ-karet ar spier saoz James Bond.
Liammoù diavaez kemmañ
Daveennoù kemmañ
- ↑ (en) The First Century, lec'hienn an embregerezh Carl Walther
- ↑ (fr) Chris McNab : Armes à feu – Encyclopédie visuelle, p. 127. Elcy Éditions, 2011 (ISBN 2-7532-0521-3)