22 Mezheven

Darvoudoù

1283 : harzet eo ar priñs kembreat Dafydd ap Gruffudd gant soudarded saoz Edouarzh Iañ.
1402 : en Emgann Bryn Glas eo trec'h Owain Glyndŵr war ar Saozon.
1633 : gant lez-enklask an Iliz, e Roma, eo rediet Galileo Galilei da zisteurel e gredenn emañ an Heol, ha n’eo ket an Douar, a zo e-kreiz an Hollved.
1675 : gant Charlez II Bro-Saoz eo savet Arsellva roueel Greenwich.
1812 : aloubet eo Rusia gant armeoù Napoleon.
1919 : banniel an Inizi Faero a zo savet evit ar wech kentañ gant ur studier faeroat e kêriadenn Fámjin.
1921 : digoradur Parlamant Norzhiwerzhon e Béal Feirste.
1940 :
- sinet an harz-brezel etre Frañs hag Alamagn e Rethondes.
- erruout a ra Frañsez Debauvais e Roazhon, o tistreiñ eus Alamagn.
1941 : aloubet an URSS gant lu Alamagn.
1944 : fuzuilhet 6 harzer e Sant-Visant-an-Oud.
1976 : kondaonet eo Edmond Simeoni da 5 bloavezh toull-bac’h da-heul afer Aleria.
1978 : Charon, brasañ loarenn Ploudon, a zo dizoloet.

1928 : loc'hañ a ra 6vet tennad-hent Tro Bro-C'hall eus Gwened war-du Les Sables-d'Olonne (Vañde) (a-benn d'an eur).
1964 : loc'hañ a ra 1añ tennad-hent Tro Bro-C'hall eus Roazhon war-du Lisieux (Calvados).