Ar Chapel-Nevez (Aodoù-an-Arvor)

Evit implijoù all, gwelet Ar Chapel-Nevez.

---

---

Ar Chapel-Nevez a zo ur gumun eus Bro Dreger e kanton Kallag, e departamant Aodoù-an-Arvor, e norzh Breizh.

ar Chapel-Nevez
Iliz katolik Intron-Varia Druez.
Anv gallek (ofisiel)	La Chapelle-Neuve
Bro istorel	Bro-Dreger
Melestradurezh
Departamant	Aodoù-an-Arvor
Arondisamant	Gwengamp
Kanton	Benac'h (betek 2015) Kallag (abaoe 2015)
Kod kumun	22037
Kod post	22160
Maer Amzer gefridi	Jean-Paul Prigent 2020-2026
Etrekumuniezh	Gwengamp-Pempoull Arvor-Argoad Tolpad-kêrioù
Bro velestradurel	Bro Gwengamp
Poblañsouriezh
Poblañs	384 ann. (2020)
Stankter	16 ann./km²
Douaroniezh
Daveennoù lec'hiañ	48° 27′ 46″ Norzh 3° 25′ 10″ Kornôg
Uhelderioù	kreiz-kêr : 215 m bihanañ 184 m — brasañ 304 m
Gorread	23,78 km²
ar Chapel-Nevez

Douaroniezh

• War lez Koad ar Beffou emañ ar Chapel-Nevez. Ouzh e lez kornog ivez, eus Toull al Lann da Di-Filo, war 1,300 km, emañ an hent roman meur eus Vorgium (Karaez) da Lannuon.
• Darn a wel ivez war lez kreisteiz un hent kozh eus Kintin da Vontroulez.
• Kumunioù amezek : Logivi-Plougraz; Plougonveur; Kallag; Kalanhel; Lohueg.

Anv

N'ez eus stumm kozh skrivet ebet. An anv -Nevez e vije bet roet goude ar chapel Sant-Memor, aet da get.

Istor

Savet e oa bet ur chapel, gouestlet da Sant Memor, e parrez Plougonveur. Diwar trev ar chapel-se e voe savet ur barrez nevez.

XV^vet kantved

• Ganet eo bet ar gêriadenn en-dro d’ar chapel savet gant aotrounez Kermeno e dibenn ar XV^vet kantved.

XIX^vet kantved

• Parrez ar Chapel-Nevez a zo bet distaget eus hini Plougonveur er bloaz 1862.
• Da gêr-benn ur gumun emren e oa bet savet ar barrez dre lezenn an 23 a viz Even 1873.

XX^vet kantved

Brezel-bed kentañ

• Mervel a reas 89 gwaz abalamour d'ar brezel hervez monumant ar re varv, da lavaret eo 5,67 % ag ar boblañs hervez an niveradeg bet graet e 1911; mervel a reas tri anezhe e Belgia d’an 22 a viz Eost 1914 , e penn- kentañ ar brezel: e Falisolle e voe lazhet ur soudard eus an 71vet Rujumant Troadegiezh, e Maissin ez eas ur soudard eus an 219vet Rujumant Troadegiezh diwar wel hag en Ham-sur-Sambre ez eas ur soudard eus an 48vet Rujumant Troadegiezh diwar wel; d’an 22 a viz Ebrel 1915 ez eas ur soudard eus an 73vet Rujumant Troadegiezh Tiriadel diwar wel e Boezinge e Flandrez Belgia.

Eil Brezel-bed

• Mervel a reas pemzek den a varvas abalamour d'ar brezel.
• D'an 20 a viz Kerzu 1941 e kouezhas un nijerez (Hampden I marilhet X3132 ha kodet OL-L) eus aerlu ar Rouantelezh-Unanet (Royal Air Force) er Chapel-Nevez. Unan eus an nijourion a zeuas a-benn da achap ha daou nijour all a varvas.

Trevadennoù

• Maroko: mervel a reas ur gwaz e 1919.
• Brezel Indez-Sina: mervel a reas ur gwaz.
• Brezel Aljeria: mervel a reas ur soudard.

Monumantoù ha traoù heverk

• Iliz katolik Intron-Varia Druez.

• 
  Iliz ha Monumant ar Re Varv
• 
  Iliz. An aoter
• 
  Banniel Itron-Varia Druez. Itron Varia Druez. Pedet Evidomp
• 
  Banniel Kalon-Zakr. Kalon Zakr a Jezuz O Pe Truez Ouzinp

E kreiz ar vourc'h e kaver meur a vonumant, en o-zouez an iliz Intron-Varia Druez, anezhi ur monumant istorel, enni ur greizenn liestuek savet er XVI^vet kantved.

• Kalvar Gollot (war an hent-roman)

• 
  Kalvar Gollot
• 
  Kalvar Gollot

• Kervenou
• Feunteun ar Werc'hez
• Feunteun sant Memor
• Monumant ar re varv e-tal an iliz katolik, luc’hskeudenn.
• Taolenn ar re varv (1914-1918) en iliz katolik, luc’hskeudenn.

Emdroadur ar boblañs

Demografiezh

1962	1968	1975	1982	1990	1999	2006	2012	2013
711	798	677	527	442	400	421	437	437
Abaoe 1962 : Poblañs hep kontoù doubl

Emdroadur poblañs ar Chapel-Nevez abaoe 1872

Brezhoneg

• Ur skol Diwan a oa bet digoret er barrez. Aet eo-hi da Blounevez-Moedeg bremañ.
• E distro-skol 2007 e oa enskrivet er skol divyezhek 100% eus bugale ar gumun evit a sell ouzh ar c'hentañ derez.

Liammoù diavaez

• (fr)Ti ar C'hoadoù
• (br)ar Chapel-Nevez war lec'hienn Geobreizh