Logivi-Plougraz

Logivi-Plougraz a zo ur gumun eus Breizh e Bro-Dreger, e departamant Aodoù-an-Arvor.

Pannell hent

Ur pennad Logivi zo ivez.

Logivi-Plougraz
Ar maerdi hag ar skolioù.
Anv gallek (ofisiel)	Loguivy-Plougras
Bro istorel	Bro-Dreger
Melestradurezh
Departamant	Aodoù-an-Arvor
Arondisamant	Lannuon
Kanton	Plouared (betek 2015) Plistin (abaoe 2015)
Kod kumun	22131
Kod post	22780
Maer Amzer gefridi	Jean-François Le Gall 2014-2026
Etrekumuniezh	Lannuon-Treger Kumuniezh
Bro velestradurel	Bro Treger ha Goueloù
Lec'hienn Web	(fr)Ti-kêr
Poblañsouriezh
Poblañs	788 ann. (2022)
Stankter	17 ann./km²
Douaroniezh
Daveennoù lec'hiañ	48° 31′ 22″ Norzh 3° 29′ 12″ Kornôg
Uhelderioù	kreiz-kêr : 205 m bihanañ 102 m — brasañ 321 m
Gorread	47,68 km²
Logivi-Plougraz

Douaroniezh

Ar Gwig a dreuz ar gumun, o tont diouzh Plougraz, ha da vont da Venac'h. Kumunioù amezek : Plounerin; Plounevez-Moedeg; Lokenvel; Plougonveur; Ar Chapel-Nevez; Lohueg; Plougraz.

Anv

B. Tanguy : Treff de Locyvy, 1455; Locivy Ploegroes, 1477; Locquivy, 1481; Locyvy Ploecroas, 1557

Istor

XVII^vet kantved

• Nac'het e voe an distaoliadeg roueel eus miz C'hwevrer 1676 ouzh daou zen eus Logivi-Plougraz, Vincent Tépos ha Guichart, lesanvet la Frize, goude Emsavadeg ar Bonedoù ruz.

XX^vet kantved

Brezel-bed kentañ

• Mervel a reas 146 gwaz abalamour d'ar brezel hervez monumant ar re varv, da lavaret eo 4,94 % ag ar boblañs hervez an niveradeg bet graet e 1911; d’an 22 a viz Eost 1914 ez eas unan anezhe diwar wel en Ham-sur-Sambre e Belgia, soudard en 48vet Rujumant Troadegiezh e oa.

Eil Brezel-bed

• Mervel a reas 36 den ag ar gumun abalamour d'ar brezel.
• Harzet e voe daouzek den eus ar gumun en Dresnae gant an Alamaned d’an 21 a viz Mae 1944, kaset e voent da gamp-bac'h Neuengamme en Alamagn, unnek anezhe a varvas du-hont.

Brezelioù didrevadennañ

Brezel Indez-Sina

• Mervel a reas daou soudard en Tonkin er Viêtnam.

Brezel Aljeria

• Mervel a reas tri milour.

Monumantoù ha traoù heverk

• Hent roman Karaez-Vorgium da Lannuon.

• 
  O sellout war zu ar c'hreisteiz (Karaez/Vorgium) e kichen ti ar c'hoajoù

• Iliz Sant Emilion (bered, kalvar).

• 
  Kalvar an iliz
• 
• 
  An nor veur

• Chapel Sant Ivi; bered.

• 
• 
• 
• 

• Chapel Intron-Varia en Dresnae

• 
  Chapel Intron-Varia.

• Chapel Sant Erwan a Drogor.
• Maner Kerroue hag ar chapel.
• Maner Kergelen.
• Maner Ar Sal Veur.
• Maner an Dresnae.
• Maner Kerbizien.
• Kroazioù.
• Monumant ar re varv dirak ar skol foran, luc’hskeudennoù.
• Monumant Rastelladeg an 21 a viz Mae 1944, luc’hskeudenn.
• Koad Beffou / Koad ar Markiz (war hent Kallag, Kalanhel, ha Chapel-Nevez)
• 
  Pannell Koad ar Markiz

Emdroadur ar boblañs abaoe 1962

Niver a annezidi

Brezhoneg

Ar Brezoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol.

Tud

Tud liammet gant ar barrez

• Sant Emilion.
• Ar ganerez Zaz.

Tud bet ganet eno

• Aogust-Mari Dubourg, kardinal, arc'heskob Roazhon, Dol ha Sant-Maloù (1añ a viz Here 1842).
• Georges Voisin (1895-1945), skolaer, politikour, sindikalour, unan eus pennoù ar Rezistañs e Gwengamp.

Levroniezh

• (fr)Bernard Tanguy : Dictionnaire des noms de communes, trèves et paroisses des Côtes d'Armor. Origine et signification. ArMen - Le Chasse-Marée. 1992

Liammoù diavaez

• (br)Logivi-Plougraz war lec'hienn Geobreizh