Frañsez II (Breizh)

Frañsez II (Breizh)
Frañsez II asambles gant Marc'harid Foix.
Dug Breizh
Ren	26 a viz Kerzu 1458 9 a viz Gwengolo 1488
A-raok	Arzhur III
Goude	Anna
Buhez
Ganet	23 a viz Even 1423 Klison, Breizh
Marvet	9 a viz Gwengolo 1488 (55 bloaz) Koeron, Breizh
Bez	Iliz-Veur Naoned
Tiegezh	Moñforzh
Tad	Richarzh Breizh
Mamm	Marc'harid Orleañs
Priedoù	Marc'harid Breizh (1455, marvet e 1469) Marc'harid Foix (1471, marvet e 1486)
Diskennidi	Anna Breizh, dugez Breizh Isabeau Breizh
Relijion	Katolik

Dug Breizh e oa Frañsez II. Ganet e oa bet e Klison d'an 23 a viz Mezheven 1433 ha marvet e Koeron d'an 9 a viz Gwengolo 1488. Anvet e oa bet da zug war-lerc'h marv Arzhur III e 1458.

Delwenn-gañv Frañsez II en iliz-veur Naoned

Mab e oa da Richarzh Breizh, kont Étampes, ha mab-bihan da Yann V, dug Breizh.

Mab e oa ivez da Marc'harid Orleañs.

Dimeziñ a reas d'e geniterv Marc'harid Breizh da gentañ.

Bevañ a rae ganti hag e bried kleiz Antoinette de la Maignelais hag o bugale e kastell Naoned, lakaet sevel gantañ.

Neuze e timezas gant Marc'harid Foix, priñsez a Navarra, ha ganti en doe div verc'h, Anna, hag Isabeau a varvas yaouankik.

Politikerezh diabarzh (da sevel)

• Rohan
• Chauvin
• Pierre Landais
• Skol-veur Naoned
• Breujoù Breizh
• Jean Meschinot.

Politikerezh diavaez

Delc'her a reas da astenn e c'halloud pa glaske rouaned Bro-C'hall lakaat o c'hrabanoù war e zugelezh.

Rankout a reas stourm ouzh ar roue gall Loeiz XI da gentañ, hag ouzh e verc'h goude-se. Pa oa minor Charlez VIII , da lavarout eo re yaouank da ren e-unan, e reas emglev gant dug Orleañs ha kont Angoulême evit en em sevel a-enep al lezrouanez Anne de Beaujeu.

Ne c'hellas ket mirout ouzh ar roue Charlez VIII a vezañ trec'h war e lu en Emgann Sant-Albin-an-Hiliber e 1488. Miz war-lerc'h e kouezhas an dug diwar e varc'h e-pad ur valeadenn hag e varvas. E verc'h Anna , 11 vloaz, en em gave dugez .

Tri bloaz goude e voe rediet an dugez Anna, hag hi ur grennardez 14 vloaz c'hoazh, da zimeziñ gant ar roue gall Charlez VIII.

Dimezioù ha bugale

D'an 13 pe d'ar 16 a viz Du 1455 e timezas e Gwened da Marc'harid Breizh (1443-1469), merc'h henañ an dug Frañsez Iañ

• Ur mab, Yann, o doe, kont Montfort-l'Amaury, ha ne vevas nemet daou viz (29 a viz Mezheven - 25 a viz Eost 1463. Mervel a reas Marc'harid e Naoned d'ar 25 a viz Gwengolo 1469.

Addimeziñ a reas e Klison d'ar 27 a viz Mezheven 1471 gant Marc'harid Foix, lesanvet « bruched laezh  » , merc'h da Gaston IV Navarra, kont Foix, ha div verc'h o doe:

• Anna (1477-1514) hag
• Isabeau (1481-1490).

Besterd

Tri bugel en doe digant e serc'h Antoinette de Maignelais (1420-1474), erruet e Breizh e 1461 :

• Frañsez Iañ d'Avaugour (1462- goude 1494), kont Vertus, Kont Goueloù ha Baron Avaugour , pemzek vloaz koshoc'h eget e hanterc'hoar Anna,
• Anton (1463), aotrou Châteaufremont ha Hédé-Bazouges, marvet en yaouank.
• Frañseza (1464?), a chomas gant he hanterc'hoar Anna, hag a varvas war-dro 1498.

Levrlennadur

• Le dernier duc de Bretagne : François II, Jacques Choffel, Éditions Fernand Lanore, 1977, 280 p.

En e raok: Arzhur III

Rouaned ha Duged Breizh 1458 – 1488

War e lerc'h: Anna Breizh