Liger-Atlantel

Anv gallaouek

Leire-de-Bertègn

Anv gallek (ofisiel)

Loire-Atlantique

Bro

Breizh

Melestradurezh

Frañs

Isprefetioù

Kastell-Briant
Sant-Nazer

Prezidant ar c'huzul-departamant

Michel Ménard (PS)

Prefed

Fabrice Rigoulet-Roze

Kod EBSSA

44

Kod ISO 3166-2

FR-44

Kod Eurostat NUTS-3

FR511

Poblañsouriezh

Poblañs

1 473 156 ann. (2022)^[1]

Stankter

216 ann./km²

Douaroniezh

Kenurzhiennoù

47° 19′ 59″ Norzh
1° 40′ 01″ Kornôg / 47.333, -1.667

Gorread

6 809 km²

Adrannoù

3

10

31

17

207

Al Liger-Atlantel (distaget: [ˈliːɡɛraˈtlãntɛl]), Loire-Atlantique e galleg hag ent-ofisiel (distaget: [lwa.ʁat.lɑ̃.tik]), zo unan eus ar pemp departamant a oa bet savet e Breizh da heul ar Reveulzi c'hall. E gevred ar vro emañ, Naoned eo ar pennlec'h anezhañ, hag ar 44 an niverenn roet dezhañ. Abaoe ma'z eo savet ar rannvroioù gall eo bet lakaet e Rannvro velestradurel Broioù-al-Liger ha neket e hini Breizh. 1 301 325 a annezidi a zo ennañ hervez sifroù an EBSSA e 2011. 12^vet departamant Frañs eo e-keñver ar boblañs dre se.

Douaroniezh

Koadeier

Koad Ankiniz, Koad Domnaiche, Koad ar C'havr, Koad La Groulais, Koad Juzet, Koad Keller, Koad Machikoul, Koad Merzhelieg, Ar C'hoad Pavez, Koad Princé, Koad Sant-Marzh-an-Olivenn, Koad Saverieg, Koad Tilheg, Koad Tolvez, Koad Vioreau, Koad Yaoueneg.

Stêrioù

Al Liger, pe al Loer, a dreuz an departamant a reter da gornôg.

Istor

D'ar 4 a viz Meurzh 1790 e oa bet krouet an departamant, hervez lezenn an 22 a viz Kerzu 1789. Loire-Inférieure (Liger-Izelañ, pe Loer-Izelañ ha Loar-Izelañ^[2] evel ma veze lâret d'ar poent-se) e oa e anv neuze. D'an 9 a viz Meurzh 1957 e oa bet adanvet Loire-Atlantique (Liger-Atlantel), diwar ar stêr Liger hag a dreuz an departamant, hag ar Meurvor Atlantel.

Bevennoù Bro-Naoned a yae d'ober an departamant mui ul lodenn eus su eskopti Roazhon (war-zu Bro-Vaez) met ul lodenn eus bro Redon a yeas gant eskopti Roazhon ha bro Vitau a yeas gant ar Mor-Bihan, un toullad parrezioù eus Marzioù Breizh hag a oa e Bro-Naoned a voe staget ouzh departamant ar Vande. D'an 30 a viz Mezheven 1941 e voe krouet rannvroioù ekonomikel gant gouarnamant Vichy ha distaget al lodenn-mañ eus Breizh evit he bodañ gant departamantoù all e rannvro Anjev.

E 1955 e voe krouet rannvroioù programm ha kadarnaet an dibab lodenniñ e Breizh dre daou damm pa'z eas Liger-Atlantel gant rannvro Broioù-al-Liger. N'eus ket bet a zistro war an dibab-mañ pa oa bet krouet ar prefetioù rannvro e 1964 pe an desavadurioù publik rannvroel e 1972 pe c'hoazh ar rannvroioù evel gwir strollegezhioù lec'hel e 1982.

Daoust d'ar sontadegoù (75% eus al Liger-Atlanteliz a-du evit adstagañ o departamant ouzh ar peurrest eus Breizh), ar manifestadegoù abaoe 30 vloaz ha votadegoù a-du e Kuzul-departamant Liger-Atlantel hag e Kuzul-rannvro Breizh e chom difiñv an traoù.

D'an 10 Here 2005 en em vodas ur bodad-labour kuzulerien-rannvro Breizh ha kuzulerien-departamant Liger-Atlantel e Redon evit kregiñ da labourat asambles koulz diwar-benn ar sevenadur, ar sport hag an touristerezh.