Ar mor el lennegezh vrezhonek

Gronnet eo Breizh gant ar mor, hag evel m'eo un dodenn vras e lennegezh ar bed en e gaver el lennegezh vrezhonek evel-just. An oberennoù brezhonek a zo ar gaoz warno a zo aparchant d'al lennegezh vor hag ur plas bras eo roet d'ar mor enno.

Nebeud a skridoù brezhonek war ar mor

Ne gaver ket kalz a oberennoù savet a-hir amzer e brezhoneg (romantoù, danevelloù, barzhonegoù hir… ). Embannet e voe ar c'hentañ romant mor brezhonek e 1959 (Jarl Priel, An teirgwern Pembroke) ha n'eus bet kalz a heulidi. Un nebeud merdeerien o deus kontet traoù ar mor bevet ganto nemetken. Ha n'eus ket kalz a levrioù evit ar yaouankiz nemeur. Pa weler al levrioù mor embannet e merzer un troc'h bras pa ne veze kazi levrioù mor brezhonek ebet evit ar yaouankiz a-raok 2000. Savet eo bet roll an oberennoù lennegezh vor en ur ouzhpennañ ar pezh a c'hell c'hoarvezout war an aodoù e-touez an annezidi o chom war an arvor ha levrioù o tennañ d'an aodoù pe d'ar bigi.
O sellout ouzh an hanterkantad a oberennoù brezhonek renablet ne gaver ket un niver bras a deskrivadurioù p'emañ an daneveller, ijinet pe get, o verdeiñ warnañ evel e c'hellfer gortoz, hag ar Vrezhoned e-touez ar pobloù eus ar re voazet gant mont war vor a c'heller krediñ ez int.

Ar romant mor brezhonek

Ur romant mor a zo ur romant m'emañ darnvuiañ an traoù o c'hoarvezout war vor hag o tiskouezañ tud embarket war bigi bras pe vihan. N'eus ket kalz anezho e brezhoneg ha nebeut-tre pa ne seller ket ouzh an treizhoù berr evit mont da Vreizh-veur ha da Iwerzhon. Gant Jarl Priel eo bet savet ar romant mor brezhonek kentañ hag embannet e 1959 ha ne vo kavet unan all a-raok hini savet gant Herve ar Beg, Amiraled Kab Horn, e 2024. Romant berre-tre Jakez-Erwan Mouton, Ar c'hraken (2009) ne c'hell ket bezañ lakaet war ar memes linenn, pa zo moliac'h ennañ.

Oberennoù brezhonek savet e brezhoneg war-eeun

1925

• Fañch al Lae, Bilzig, Buhez Breiz, 189 p. Romant. Buhez annezidi aod e BreizH.

1935

• Paotr Juluen (Gour-na-gil), An Tornaod, Gwengamp, Mouladurioù Arvor, 200 p. Danevell-beaj da Vro-Gembre hag evezhioù a bep seurt.

Bloavezhioù 1940

1943

• Yann-Fañch Kaba : Trema an Heol o sevel, Skridoù Breizh. Danevell-beaj. Mordreizher.

Bloavezhioù 1950

1954

• Jarl Priel, Ma zammig buhez. Levrenn 1, Al Liamm. Buhezskrid. Morlu gall.

1957

• Per-Jakez Heliaz, Mojennoù ar mor. 1, skeudennou Breiz Jos Le Doaré, Emgleo Breiz-Brud Nevez. Kontadennoù troet pe adaozet diwar Anatol ar Braz, Fañch an Uhel, Paul Sébillot…

1959

• Per-Jakez Heliaz, Mojennoù ar mor. 2, skeudennou Breiz Jos Le Doaré, Emgleo Breiz-Brud Nevez.
• Jarl Priel : An teirgwern Pembroke, Al Liamm. Romant. Merdeadurezh a genwerzh kozh.

Bloavezhioù 1960

1961

• Roparz Hemon, Mari Vorgan, Al Liamm. Romant dre lizhiri. Morlu kozh.

1963

• Fañch al Lae, Bilzig, Emgleo Breiz-Brud-Nevez, 264 p. Romant. Buhez annezidi aod e Breizh.

Bloavezhioù 1980

1981

• Yves Miossec, Dreist ar mor braz (Eil moulladur), Emgleo Breiz-Brud nevez", 158 p.

1982

• Kristian Brisson, Ar Reder-mor, Emgleo Breiz-Brud Nevez (ha Bleun-Brug), 85 p. Danevell.

1984

• Loeiz Andouard, Jakez Karter, Hor Yezh, 141 p. Buhezskrid. Merdeadurezh kozh.

1988

• Mikael Madeg, Tra ma vo mor, Emgleo Breiz-Brud Nevez. (ISBN 2867750660). Romant.

. Mikael Madeg, Marsel Divanac'h, C'hwec'h kontadenn eus arvor Bro vigouden, Dastum, 54 p. + 1 gased. Kontadennoù.

• Yann Morvan : Va merdeadenn e Bro-Sina, Emgleo Breiz-Brud Nevez, 1988. (ISBN 2867750628). Danevell-beaj. Morlu gall.

Bloavezhioù 2000

2002

• Jarl Priel, An teirgwern Pembroke, An Here-Al Liamm, 253 p. Romant. Merdeadurezh a genwerzh kozh. (ISBN 2868432581).

2003

• Fañch al Lae, Bilzig, testenn vrezhoneg ha troidigezh gant Bernez Kabon tal-ouzh-tal, Skol Vreizh, 353 p. (ISBN 2911447778)

2006

• Hervé Peaudecerf, Peñseoù ha peñseidi : ur peñse, un istor da gontañ : dit-te da gas an enklask da benn, tresadennoù gant Jean-François Guével, H. Peaudecerf, 56 p. (ISBN 9782952756914). Levr yaouankiz.

2007

• Yann Bijer : Avel gornog, Al Liamm, 454 p. (ISBN 9782736800673). Romant. Buhez ar besketaerien.

2009

• Jakez-Erwan Mouton, Ar c'hraken, Keit vimp bev, 78 p. Romant moliac'h. Levr yaouankiz.

Bloavezhioù 2010

2015

• Goulc'han Kervella, N'eus ket a garantez eürus, Skol Vreizh, 144 p. (ISBN 9782367580883). Romant. Buhez ar vezhinerien.

Bloavezhioù 2020

2020

• Davy Jaouen : War an aod vev, An Alarc'h (ISBN 9782381900025). Levr yaouankiz.
• Fañch Rebours, Dindan ar seizh avel, tresadennoù gant Agnès Guillot, Ti-embann ar skolioù. 66 p. (ISBN 9782240053572). Danevelloù mor.

2021

• Goulc'han Kervella, Morlaeron Karaiba, Keit vimp bev, 49 p. (ISBN 9782868243577). Levr yaouankiz.

2024

• Herve ar Beg : Amiraled Kab Horn, Al Liamm. Romant. Merdeadurezh a genwerzh kozh.

Oberennoù troet diwar ur yezh all

Bloavezhioù 1920

1926

• John Millington Synge, War varc'h d'ar mor, troet gant Youenn Drezen, Levraoueg Gwalarn, 24 p. Titl orin : Riders to the sea. C'hoariva saozneg eus Bro-Iwerzhon.

1928

• Hans Christian Andersen, Plac'hig vihan ar mor, troet gant Roparz Hemon, Gwalarn, 52 p. Kontadenn.

1929

• Ronan Kermene, Danevell varzus Sant Brendan, troet e brezhoneg gany Yann-Vari Gwilhoù (Ar Mignon). E-barzh Gwalarn, niv. 18-22, 1929-1930. Merdeadurezh vojennel.

Bloavezhioù 1980

1984

• Heoliou bihan ar mor, skrid brezoneg gand Per-Mari Mevel, Brest, Ar Helenner-Brud nevez, 16 p. Titl orin : Les Petits soleils de la mer. Evit bugale vihan.

1989

• Amèlia Benet : An nozvez er vagig, skeudennet gant Carme Peris, troet diwar ar c'hatalaneg gant Beatris Jouin, An Here (ISBN 2868430562). Titl orin : Nit en la barca. Levr yaouankiz.

Bloavezhioù 1990

1990

• Jules Verne, Bag ar frankiz, brezhoneg gant Meven Mordiern ha troidigezh nevesaet gant Martial Menard, skeudennoù gant Anne Salaun, An Here, 154 p. (ISBN 2868430899). Titl orin : Les forceurs de blocus

1994

• Kristol Goulm : Levr bourzh ar veaj kentañ, troet diwar ar c'hastilhaneg gant Filip Oillo, Al Liamm, 219 p. (ISBN 2736800397). Lodenn gentañ al levr bourzh. Danevell-beaj. Merdeadurezh kozh.

Bloavezhioù 2000

2000

• Dan Lailler, Lestr Jakez Karter, skeudennet gant François Vincent, An Here, 32 p. (ISBN 2868430082). Titl orin : Le bateau de Jacques Cartier. Levr yaouankiz.

2001

• Ar meurvorioù, troet diwar ar c'hastilhaneg gant Alan Martel, An Here, 31 p. (ISBN 2868432204). Titl orin : Los oceanos. Levr yaouankiz.

2005

• Beaj sant Brendan. Navigatio sancti Brendani Abbatis, troet diwar oberennoù kozh e meur a yezh gant Paskal Tabuteau, Emgleo Breiz. Merdeadurezh vojennel.

2006

• Arzhig Du o c'hoari er mor, Bannoù-Heol (ISBN 2913652204). Evit bugale bihan.

2007

• Jón Kalmas Stefansson : Baradoz hag Ifern, An Alarc'h (ISBN 9782916835785). Troet diwar an islandeg. Titl orin : Himnaríki og helvíti. Romant. Buhez ar besketaerien islandat.

Bloavezhioù 2010

2015

• Valérie Muszynski, Morlaeron ! pinvidik-mor, tresadennoù gant Julien Bringer Deik, troet e brezhoneg gant Gwenael Dage, Beluga, 48 p. Patrom:ISBN 978-2-37133-059-7. Titl orin : Piiirates ! Evit bugale vihan.

2016

• Henri Queffélec : Ur person evit Enez Sun, An Alarc'h (ISBN 9782916835785). Troet diwqar ar galleg. Titl orin : Un recteur de l'Île de Sein. Romant.

2017

• Serj Richard, Rouanez ar pleg-mor, Keit vimp bev, 2017, 108 p. (ISBN 9782868242921)
• A. Luron, A. Le Fée, B. Guillotin hag all, Rederien-mor, Keit vimp bev, 2017, 47 p. (ISBN 9782868242969). Levr yaouankiz.

2018

• Katell Daniel, Poupette à la mer = Poupig war vord ar mor, troet e brezhoneg gant Nolwenn Riou, Marzhan, L'Avion de papier, 24 p. (ISBN 9782490370023). Galleg ha brezhoneg. Evit bugale bihan.

Bloavezhioù 2020

2020

• Gwennaëlle, Gwerz ar mor = Gwerz de la mer, Paris : Gwennaëlle, 72 p. Brezhoneg ha galleg.

2021

• Joe Todd-Stanton : Sekred ar Roc'h Zu, skeudennet gant Joe Todd-Stanton ha troet diwar ar saozneg gant Tifenn Merien, ti-embann Timilenn (ISBN 9782957002733). Titl orin : The Secret of Black Rock. Levr evit ar vugale.
• Béatrice Riou, Julien Thomas, Monet er Gerveur : tal-ouzh-tal gant ar mor bras, troet e brezhoneg gant Paolig Combot , Skol Vreizh, 45 p. T(ISBN 9782367581316)itl orin : Monet à Belle-Ïle-en-Mer. Levr evit ar vugale.