Pêr Mokaer, bet ganet e Pariz d'ar 14 a viz Mae 1887 en ur familh genidik eus Bro-Gerne, ha marvet e Brest d'ar 4 a viz C'hwevrer 1961, a oa ur politikour, ur skrivagner, ur c'hazetenner, hag ur stourmer breizhat ha bet rezistant e-pad an Eil Brezel-bed. Ur plas a-bouez en doe a-raok 1940, pa voe liammet gant Yann-Bêr Kalloc'h ha Yann-Vari Perrot ha gant Roparz Hemon e 1941, met e voe splannoc'h e levezon pa yeas da benn Kendalc'h e 1950. Ezel Goursez Breizh ha Framm keltiek Breizh e voe. Liesyezhegour e voe (brezhoneg, saozneg, kembraeg ha norvegeg) hag e sinas Gwaz Eusa (anv-drouiz), Yann Gwirionez, Pierre Kerenez ha Jacques Keridrya-wezhioù.

Buhez kemmañ

Pa tilojas e gerent da Gemper e c'hellas mont d'ar skolaj-lise eno, met e studias e Skol ar Studioù uhel war ar C'henwerzh Pariz[1] da-c'houde. Beajiñ a reas e Breizh-Veur, Spagn, Alamagn, Italia, Izelvroioù…
Goude bezañ bet jubennour e Brest ez eas da chom en Oriant e 1911 hag e reas prezegennoù war an ekonKendalc'h.gant1963eomiezh, keit e kejas gant skrivagnerien vrezhonek ar bastell-vro, Loeiz Herrieu ha Yann-Bêr Kalloc'h, ken e teskas brezhoneg Gwened hag e skrivas evit Dihunamb, hag evit Le Pays breton.
Reiñ a reas e anv e Unvaniez Arvor e 1912 hag e voe degemeret e Goursez Breizh e Douarnenez.
Goude 1918 e teuas da vezañ kourater-mor e Brest, ezel ar C'hambr-kenwerzh, ha sekretour anezhañ. Diouzh ar saviad-se e c'hellas mont d'ar politikerezh ha bezañ dilennet kuzulier-meur kanton Eusa e 1919 e anv ar Strollad Gwerinel Poblel[2].

Emañ e vez e bered Sant-Varzhin Brest, er garrezenn 19, 6vet renk adalek ar biz, 17vet bez.

Obererezhioù politikel ha sevenadurel kemmañ

E 1919 e krouas, gant Joseph Ollivier, ar gelaouenn divyezhek Buhez Breiz, a zeuas er-maez betek dibenn 1924. Enni e embannas Mokaer un toullad pennadoù e galleg diwar-benn Breizh, he istor hag he lennegezh. Un hanter-kant niverenn a voe embannet betek 1924. Un ti-embann e voe Buhez Breiz ivez, hag un toullad levrioù brezhonek a voe embannet (Gab Milin, Fañch an Uhel, Fañch al Lae, Ivon Krog).
Pa voe mignon bras da Yann-Bêr Kalloc'h,marv war an talbenn, e lakaas da embann e varzhonegoù, dastumet ha troet gantañ e-unan dindan titl "À genoux,", hag istitlet lais bretons[3] e 1921.


E penn Kendalc'h e oa er bloavezhioù 1950.


Savet en oa un hentenn da zeskiñ brezhoneg gant dornlevrioù ha pladennoù, skridaozet e skritur ar skolveurieg (da wiriañ).

Oberennoù== kemmañ

  • De la nécessité d'une culture nationale, An Oriant, Ti-moullañ Le Bayon, 1915
  • L'enseignement bilingue au Pays de Galles, An Oriant, Ti-moullañ Le Bayon, 1915
  • La question bretonne : régionalisme et nationalisme, An Oriant, Ti-moullañ Le Bayon, 1916. 35 p. Prezegenn bet distaget en Oriant dirak tud an Action Français.
  • Comment les Irlandais défendent leur langue menacée. 6 pennad embannet e-barzh Le Pays breton e 1913-1914.
  • (cy) Nodiadau am yr hen Geltiaid ; Tueddiadau Llenyddiaeth Llydaw, 1919.
  • Troidigezh c'hallek oberenn Yann-Bêr Kalloc'h hag aozañ embannadur Ar en deulin, À genoux : Lais bretons, rakskrid gant René Bazin, kentskrid gallek-brezhonek gant Joseph Loth, Plon, 1921. Eil embannadur reizhet gant Kendalc'h e 1963.

Levrlennadur kemmañ

Notennoù ha daveennoù kemmañ

  1. École des Hautes Études commerciales.
  2. Parti démocrate populaire.
  3. Adembannet pelloc'h dindan titl Ar en deulin (War an daoulin).