Digeriñ al lañser pennañ
LFE – niverenn 145
LFEunicode ʕ
LFE – skeudenn {{{imagesize}}}
X-SAMPA ?\
Selaou

Unan eus ar c'hensonennoù e taolennoù ofisiel al lizherenneg fonetikel etrebroadel ganti un arouezenn ispisial eo ar ruzenn gargadenn mouezhiet, treuzskrivet [ʕ] hervez reolennoù al LFE, ganti an niverenn dave 145.

Daoust ha ma vez lec'hiet an arouezenn-mañ e-touez renk ar ruzennoù e daolenn al LFE dre voaz e vez distaget peurliesañ er yezhoù ma vez implijet gante evel ur c'hwezhenn hag implijet vez an hevelep arouezenn [ʕ] koulz evit ar ruzenn gargadenn mouezhiet hag evit ar c'hwezhenn gargadenn mouezhiet, en ur c'hoût ne vez ket kavet an div son-se enebiet an eil diouzh egile e yezh ebet. Mar bez ezhomm atav e c'heller implijout ar sin diakritek ispisial evit merkañ ar fed m'emañ distaget evel ur c'hwezhenn [ʕ̞] pe c'hoazh ur sin diakritek all evit diskwel emañ distaget evel ur ruzenn [ʕ̝].

Ral a wezh e kaver kensonennoù gargadenn e-touez yezhoù ar bed ha peurliesañ pa gomzer eus kensonennoù a seurt-se e tizoloer, pa vezont dielfennet donoc'h, e tennont kentoc'h da gensonennoù ankoue, da skouer en arabeg e vez distaget ar fonenn treuzskrivet /ʕ/ peurliesañ evel ur ruzenn ankoue mouezhiet, ur c'hwezhenn ankoue mouezhiet pe c'hoazh evel ur stankenn darzh gargadennekaet.

SkouerioùAozañ

Yezh Ger LFE Ster
Arabeg عشرة [ʕɑʃɑrɑ] 'dek'
Avareg гIоркь [ʕortɬʼː] 'dornell'
Tchetcheneg Iан/jan [ʕan] 'goañv'
Hebraeg sefardiek עִבְרִית [ʕivˈɾit] 'Hebraeg'
Kabileg εemmi [ʕəmmi] 'ma eont (breur ma zad)'
Kurdeg (koumandjieg) 'ewr [ʕɑwr] 'koumoulenn'
Okitaneg (su Auvernha) pala] [ˈpaʕa] 'pal'
Somalieg caadi [ʕaːdi] 'bazh'
Sioux (nakoda) [maʕazud] 'glav'

Gwelit ivez:Aozañ