Kensonenn logigoù

Lec'hioù distagañ

Logigoù-staon

Drek-logigoù

Rak-staon

Er yezhoniezh e vez implijet an termen kensonenn logigoù (saoz.: alveolar consonant) war dachenn ar fonetik hag ar fonologiezh evit komz eus ur gensonenn ganti an dent da lec'h distagañ pennañ, da lâret eo e stok pe e tosta penn an teod ouzh al logigoù dent, etre an dent hag ar staon.

Alies a-walc'h e ra yezhoù ar bed pe gant kensonennoù dent (evel e spagnoleg) pe gant kensonennoù logigoù. E meur a yezh indezek avat, en o zouez ar sañskriteg hag an hindeg e reer gant rummadoù fonemennek logigoù ha dent.

N'eus arouezenn ispisial ebet evit treuzskrivañ kensonennoù logigoù en ur mod disheñvel diouzh ar c'hensonennoù dent ha mar bez ezhomm merkañ al lec'h distagañ resis e ranker ober gant sinoù diakritek skrivet dindan an arouezennoù hag a dalvez evit skrivañ kensonennoù dent, da skouer [s̪, t̪, n̪, l̪] keit ha ma talvez an arouezennoù hep sin diakritek ebet evit merkañ ar c'hensonennoù logigoù.

Setu ar c'hensonennoù logigoù pennañ gant bep o arouezenn hervez reolennoù treuzskrivañ al lizherenneg fonetikel etrebroadel:

LFE	Deskrivadur	Skouer
LFE	Deskrivadur	Yezh	Stumm skrivet	LFE	Ster
	logigoù dre fri	saozneg	run	[ɹʷɐn]	"redeg"
	logigoù dre serriñ divouezh	saozneg	tap	[tʰæp]	"tuellenn"
	logigoù dre serriñ mouezhiet	saozneg	debt	[dɛt]	"dle"
	logigoù dre daravat divouezh	saozneg	suit	[sut]	"dilhad klok"
	logigoù dre daravat mouezhiet	saozneg	zoo	[zu]	"zoo"
ʦ	logigoù dre fic'hal divouezh	alamaneg	zeit	[ʦaɪt]	"amzer"
ʣ	logigoù dre fic'hal mouezhiet	italianeg	zucchero	[ˈʣukkero]	"sukr"
	logigoù dre daravat a-gostez divouezh	kembraeg	Llwyd	[ɬʊɪd]	"gris"
	logigoù dre daravat a-gostez mouezhiet	zouloueg	dlala	[ˈɮálà]	"c'hoari"
	logigoù dre dostaat	saozneg	red	[ɹʷɛd]	"ruz"
	logigoù dre dostaat a-gostez	saozneg	loop	[lup]	"kildroenn"
	alveolar flap	spagnoleg	pero	[peɾo]	"met"
	logigoù dre stlakat a-gostez (mouezhiet)	vendaeg		[vuɺa]	"digeriñ"
	logigoù dre froumal (mouezhiet)	spagnoleg	perro	[pero]	"ki"
	logigoù dre strakal (divouezh)	jiorjeg	ტიტა	[tʼitʼa]	"tulipezenn"
	logigoù strakal dre daravat (divouezh)	amhareg		[sʼɛɡa]	"gras"
	logigoù dre entarzhañ (mouezhiet)	vietnameg	đã	[ɗɐː]	merk an dremenet
	klik kostez logigoù	namaeg	ǁî	[kǁĩĩ]	"divizet"