Digeriñ al lañser pennañ

Kensonenn drekkevig dre fic'hal divouezh

LFE – niverenn 103 (134)
LFEunicode
LFE – skeudenn IPA voiceless postalveolar affricate.png
X-SAMPA tS
Selaou

Unan eus ar c'hensonennoù e taolennoù ofisiel al lizherenneg fonetikel etrebroadel ganti un arouezenn ispisial eo ar gensonenn drekkevig dre fic'hal divouezh treuzskrivet [t͡ʃ] (kent: [ʧ]) hervez reolennoù al LFE, ganti an niverenn dave 103.

Treuzskrivet e vez ivez a-wezhoù: [tʃ], [t̠ʃ], [c], [č], [ch], [tc], [tš], [cs] ha [cz].

Ur gensonennn kendistaget an hini eo ma vez distaget war un dro ar gensonenn kevig dre serriñ divouezh ([t]) hag ar gensonenn drekkevig dre daravat divouezh ([ʃ]).

Peurliesañ e vez implijet ivez an hevelep arouezenn [t͡ʃ] evit treuzskrivañ ar gensonenn kevig-staon dre fichañ divouezh a ranke bezañ treuzskrivet /ʨ/ en un doare resis kavet er sinaeg mandarinek, er ruseg, er japaneg hag en taieg.

E brezhoneg e vez kavet e rannyezhoù 'zo komzet e Bro-Wened, d.s. ket [t͡ʃɛt] e lec'h [kɛt].

SkouerioùAozañ

Yezh Ger LFE Ster
Albaneg çelur [tʃɛluɾ] 'digor'
Aleuteg chamĝul [tʃɑmʁul] 'gwalc'hiñ'
Amhareg አንቺ [antʃi] 'te' (benel)
Azeri Əkinçi [ækintʃi] 'an ararer'
Euskareg txalupa [tʃalupa] 'bag'
Tchekeg morče ? 'pemoc'h-indez'
Kopteg ϭⲟϩ [tʃoh] 'touchañ'
Esperanteg ĉar [tʃar] 'peogwir'
Faeroeg tjørn [ʧɶtn] 'lenn'
Jorjieg რდილოეთი ? 'norzh'
Italianeg ciao [tʃao] 'salut'
Saozneg bleach [bliːtʃ] 'dour javel'
Hungareg csap [tʃɒp] 'skeiñ a ra'
Kitcheg K'iche' [kʼiʧeʔ] 'kitcheg'
Malteg bliċ [blitʃ] 'dour javel'
Norvegeg kjøkken [tʃøkːen] 'kegin'
Portugaleg Brazil presidente [pɾeziˈdẽtʃi] 'prezidant'
Roumaneg cer [tʃe̞r] 'neñv'
Gouezeleg Skoz slàinte [slaːntʃə] 'yec'hed'
Serbeg [Чоколада/čokoláda [tʃɔkɔˈlaːda] 'chokolad'
Slovakeg kľúč [klʲuːtʃ] 'alc'hwez'
Spagnoleg chafar [tʃ̪aˈfar] 'plaenaat'
Turkeg uçak [utʃak] 'karr-nij'
Oubic'heg [tʃəbʒəja] 'pepr'
Ukraineg чи ʧɪ 'kennebeut', 'pe'

Gwelit ivez:Aozañ