Kensonenn kevig a-gostez dre stlakat

LFE – niverenn	181
LFE – unicode	ɺ
LFE – skeudenn
X-SAMPA	l\
Selaou

Unan eus ar c'hensonennoù e taolennoù ofisiel al lizherenneg fonetikel etrebroadel ganti un arouezenn ispisial eo ar gensonenn kevig a-gostez dre stlakat mouezhiet treuzskrivet [ɺ] hervez reolennoù al LFE, ganti an niverenn dave 181.

Skouerioù

• Japaneg: evel e meur a yezh all ma ne vez ket diforc'het [l] diouzh [ɾ], ar gensonenn r a c'hell bezañ distaget evel ur gensonenn a-gostez dre stlakat

• Iwaidjaeg: er yezh-mañ komzet en Aostralia e kaver ur gensonenn kevig a-gostez dre stlakat hag ur gensonenn tro-gil a-gostez dre stlakat hag ivez marteze ur gensonenn staon a-gostez dre stlakat ([ʎ̯]).

• Wayoueg (guajiro pe wayuunaiki): gant ar yezh arawakek-mañ komzet e Venezuela ha Kolombia e vez enebiet ez-fonemek ar gensonenn kevig a-gostez dre stlakat /ɺ/ (skrivet l), ouzh ar gensonenn kevig dre froumal /r/ (skrivet r).

Gwelit ivez:

• Kensonenn
• Kensonenn a-gostez
• Kensonenn kevig
• Kensonenn dre stlakat
• Kensonenn mouezhiet

Kensonennoù	Gwelit ivez: Lizherenneg fonetik etrebroadel, Vogalenn
Skeventel Diweuz Gweuz-dent Dent Logigoù Drek-logigoù Kilbleg Rak-staon Staon Gouel Hugenn Gargadenn Ankoue Tarzh Nann-skeventel hag arouezennoù all Dre fri m ɱ n̪ n ɳ ɲ ŋ ɴ Klikoù  ʘ ǀ ǃ ǂ ǁ Dre serriñ p b p̪ b̪ t̪ d̪ t d ʈ ɖ c ɟ k ɡ q ɢ ʡ ʔ Entarzh.  ɓ ɗ ʄ ɠ ʛ Dre daravat  ɸ β f v θ ð s z ʃ ʒ ʂ ʐ ɕ ʑ ç ʝ x ɣ χ ʁ ħ ʕ ʜ ʢ h ɦ Dre strakal  pʼ tʼ kʼ qʼ sʼ Dre dostaat  β̞ ʋ ð̞ ɹ ɻ j ɰ A-gostez all  ɺ ɫ Dre froumal ʙ r • ʀ • Kendistaget dre dostaat ʍ w ɥ Dre stlakat ⱱ̟ ⱱ ɾ ɽ • Kendistaget dre daravat ɧ A-gostez dre daravat ɬ ɮ • • • Dre fic'hal  ʦ ʣ ʧ ʤ A-gostez dre dostaat l ɭ ʎ ʟ Kendistaget dre serr.  k͡p ɡ͡b ŋ͡m
An arouezennoù a-zehoù e pep par mar bez a ra dave d'ur gensonenn mouezhiet. E gris emañ ar sonioù ma kreder dibosubl o c'havout.