Ruzenn logigoù divouezh

Selaou
LFE – niverenn	132
LFE – unicode	s
LFE – skeudenn
X-SAMPA	`s`

Unan eus ar c'hensonennoù e taolennoù ofisiel al lizherenneg fonetikel etrebroadel ganti un arouezenn ispisial eo ar ruzenn logigoù divouezh treuzskrivet [s] hervez reolennoù al LFE, ganti an niverenn dave 132.

Kavet e vez stank-tre ar son [s] e-touez yezhoù ar bed, ha pa vez implijet ruzennoù gant ur yezh e vez implijet ganti hogozik atav ar son [s] ivez. Ral a-walc'h eo ar c'hensonennoù er yezhoù komzet en Aostralia dre vras ha ne vez implijet gante c'hwibanenn ebet, en o zouez ar gensonenn [s].

E yezhadur ar brezhoneg emañ liammet ar fonem-mañ ouzh ar e fonem mouezhiet par [z] dre ar c'hemmadurioù dre vlotaat daoust ha ma ne vez ket skrivet (sellit ivez ouzh ar pennad: "Dereziadur kensonennel"):

[s] > [z]

"sent" > "ar sent" (distaget "zent")

C'hwibanenn logigoù divouezh

Peurliesañ e vez distaget ar fonenn [z] evel ur c'hwibanenn logigoù divouezh

Skouerioù

Euskareg: zu [s̻u], "c'hwi"
Burmeg: စု cu. [sṵ] "rummataer evit strolloù"
Tchekeg: svět [svjɛt], "bed"
Saozneg: sand [sænd], "traezh"
Faeroeg: sandur [sandʊɹ], "traezh"
Finneg: sinä [sinæ], "te"
Galleg: face [fas], "dremm"
Alamaneg: Biss [bɪs], "dentañ"
Hungareg: sziget [sigεt], "enezenn"
Japaneg: 複数形 [ɸɯkɯsɯːkeː], "liester"
Norvegeg: sand [sɑn], "traezh"
Spagnoleg: saltador [saltaˈð̞o̞ɾ], "lammer" (an darn vrasañ eus rannyezhoù Suamerika)
Turkeg: su [su], "dour"

Ruzenn beg-logigoù divouezh

Gant yezhoù all avat e vez distaget ar fonem [z] evel ur ruzenn beg-logigoù divouezh, treuzksrivet dre implijout ur sin diakritel isisial hervez reolennoù al LFE: [s̺]