Danmark
Ur vro eus hanternoz Europa eo Danmark. War-dro 5,8 milion a dud zo o chom enni. Ur vro gompez a-walc’h eo, pa n’eus ket a venezioù, kalzik inizi zo avat, e Mor an Hanternoz emaint tost holl anezho. Ur rouantelezh eo, Kopenhagen (a-wechoù Kopenhag) he c'hêr-benn.
 |
|---|
| Kongeriget Danmark Rouantelezh Danmark | |||||
| |||||
| Ger-stur : Guds hjælp, Folkets kærlighed, Danmarks styrke (ger-stur ar familh roueel) | |||||
| Kan broadel: Kong Christian | |||||
 | |||||
| Kêr-benn (ha kêr vrasañ) |
Kopenhagen | ||||
| Yezh(où) ofisiel | Daneg | ||||
|---|---|---|---|---|---|
| Gouarnamant | Rouantelezh | ||||
| - Rouanez | Marc'harid II Danmark | ||||
| - Ministr Kentañ | Mette Frederiksen | ||||
| Gorread | |||||
| - Hollad | 43,094 km² (134) | ||||
| - Dour (%) | 1.6² | ||||
| Poblañs | |||||
| - istimadur 2008 | 5,475,791 () | ||||
| - Stankter | 129.16/km² (78) | ||||
| PDK (PGP) | 2007 (istimadur) | ||||
| - Hollad | $198.5 milliard (45) | ||||
| - Keidenn | $57,261 (6) | ||||
| FDD () | 0.943 (uhel) (14) | ||||
| Moneiz | Kurunenn dan (DKK)
| ||||
| Gwerzhid-eur | (UTC+1) | ||||
| +2 | |||||
| Kod kenrouedad | .dk | ||||
| Kod pellgomz | +45 | ||||
Bro an Daned e talvez anv Danmark : ur bobl c’herman gozh e oa an Daned ha mark a dalvez marz. Ouzh Rouantelezh Danmark eo stag an Inizi Faero er Meurvor Atlantel, ha Greunland e Norzhamerika. En div vro-se ez eus pobloù all, dezho yezhoù disheñvel diouzh an daneg.
Douaroniezh Aozañ
An hini vihanañ eus broioù Skandinavia eo Danmark. Er su emañ Alamagn, er reter emañ Sveden, hag en norzh Norvegia. Kelc’hiet eo ar vro gant ar mor pe dost. Er gevred emañ ar Mor Baltel, er c’hornôg Mor an Hanternoz, en hanternoz strizh-mor ar Skagerrak, hag er biz strizh-mor ar c’h-Kattegat.
Ul ledenez eo douar-bras Danmark, er c’hornôg, ha Jylland a reer anezhi. Al lodennoù all eus ar vro zo inizi : 79 anezho zo tud o chom warno. Pelloc’h er reter emañ enez Bornholm er Mor Baltel.
Kompez a-walc’h eo ar vro, gant torgennoù izel, lennoù, koadoù, hag aodoù troc’h-didroc’h ha kammigellek. Ne vezer gwech ebet gwall bell diouzh ar mor.
Melestradur Aozañ
Disrannet eo Danmark e pemp rannvro (daneg regioner) ha 98 keoded; Krouet e voe ar rannvroioù d'an hini kentañ a viz genver 2007 e frammadur Adreizhadur ar C'heodedoù da erlerc'hiañ an 38 kontelezh hengounel. Er memes amzer e voe beuziet asambles ar c'heodedoù bihan. Gant ar yalc'h dreist holl e vez karget ar rannvroioù met er c'hontrol ar c'hontelezhioù kozh n'o deus ket ar gwir da sevel tailhoù.
Sevenadur Aozañ
E-touez an Daned zo brudet dre ar bed a-bezh e c’heller menegiñ ar skiantour Ole Rømer, an den en deus kavet tizh ar gouloù, ar prederour Søren Kierkegaard hag ar skrivagner Hans Christian Andersen.
Anvioù un nebeud tud vrudet all, genidik eus Danmark :
- Vitus Bering, moraer hag ergerzher
- Karen Blixen, skrivagnerez
- Tycho Brahe, steredoniour
- Niels Bohr, fizikour, tapet gantañ ar Priz Nobel
- Ole Kirk Christiansen, ijiner ar c'hoari LEGO
- Knut Veur, roue Danmark, Norvegia ha Bro-Saoz
- Nikolai Grundtvig, barzh, prederour ha pedagogour
- Lars von Trier, filmaozer
Yezh Aozañ
Daneg eo ar yezh a gaozeer e Danmark. Kalz tud er vro a oar saozneg ivez. An anaoudegezh eus an alamaneg zo ledet a-walc’h ivez, dreist-holl er c’hreisteiz.
En Inizi Faero e komzer faeroeg, hag e Greunland e kaozeer greunlandeg. E kreisteiz Jylland (Slesvig) ez eus tud a gomz alamaneg.
Kar-nes eo an daneg d’ar yezhoù a gomzer e Norvegia hag e Sveden.
Azia: Arabia Saoudat° • Bahrein* • Bhoutan° • Brunei° • Emirelezhioù Arab Unanet^ • Japan • Jordania* • Kambodja^ • Koweit* • Malaysia^ • Nepal • Oman° • Qatar° • Thailand
Kenglad ar Broadoù (Commonwealth): Antigua ha Barbuda • Aostralia • Bahamas • Barbados • Belize • Grenada • Jamaika • Kanada • Papoua Ginea-Nevez • Rouantelezh Unanet • Saint Kitts ha Nevis • Santez-Lusia • Sant Visant hag ar Grenadinez • Inizi Salomon • Tonga • Tuvalu • Zeland-Nevez
Monarkiezhoù european all: Belgia • Danmark • an Izelvroioù • Liechtenstein* • Luksembourg • Monako* • Norge • Spagn • Sveden • Vatikan (Sez Santel)°^
° monarkiezh absolut, * monarkiezh damvonreizhel, ^ monarkiezh dre zilennadegoù