Ernest ar Barzhig

Ernest ar Barzhig
Ernest ar Barzhig e 1973 (diwar Skol, niv. 55, 1974)
Anv ofisiel	Ernest Pierre Marie Le Barzic
Anv pluenn	Ernest ar Barzhig Roh-Vur Barzig ar Roc'h
Obererezh	Danevellour, troour, barzh, yezhoniour
Ganedigezh	d'ar 4 a viz Mae 1917 e Kaouenneg-Lanvezeeg, Treger, Breizh
Marv	d'an 2 a viz Kerzu 1977 e Mur (kumun), Kernev, Breizh
Yezh skrivañ	Brezhoneg Galleg
Oberennoù pennañ
Loeiz Lezongar Eñvorennoù ur Barzhig Ma emgann evit Iwerzhon (Troidigezh) Ti Vatriona (Troidigezh)

Ernest ar Barzhig, pe Ernest Pierre Marie Le Barzic hervez e anv ofisiel, ganet d'ar 4 a viz Mae 1917 e Porzh Bras e Kaouenneg e Treger, ha marvet d'an 2 a viz Kerzu 1977 e Mur, a oa ur mestr-skol hag ur skrivagner brezhonek ha gallek. "Roh-Vur", e anv-barzh, a oa e anv-pluenn en embannadurioù falc'hunek.

Buhez

Savet eo bet e Kaouenneg, ha goude, er Roc'h e-lec'h m'o devoa savet e dud un ti. E studioù en deus graet e Skolaj Sant-Jozef, e Lannuon.

Ernest a oa rannvroeler, anavezet mat dre e enklaskoù war ar yezh. Ezel eo bet ivez eus ar "Fédération Régionaliste de Bretagne". Ur gevredigezh a grouas, anvet Unvaniez Arvor, war-lerc'h ar brezel hag e rae war he zro.

Dimeziñ a reas gant Suzanna 'r C'hustumer d'ar 15 a viz Gwengolo 1942 pa oa distroet da gelenn da Vur. Tri bugel en deus bet. E verc'h Gwenola a oa pried da Yvon Abiven, kuzulier kanton Sant-Tegoneg ha maer Sant-Tegoneg, ha brezhoneger ampart.

Micher

War-lerc'h e studioù ez eo bet galvet da skolaer kristen e skol Sant-Loeiz Mur. Mestr-skol e chomas betek dibenn e vuhez, kelenn a reas e Bear ivez e 1939, e Mêl-Karaez e 1941 hag e Mur en-dro. War-lerc'h ar brezel e voe rener-skol e Kaezilieg betek e-tro ar bloavezh 1955 ha kelenner e skolaj Sant-Varzhin e Roazhon betek 1974.

Ar Brezhoneg

E Kaouenneg en deus tremenet e vugaleaj holl, gant brezhoneg hepken tro-dro dezhañ. Ur brezhoneger eus an dibab e oa. Skrivañ a rae e brezhoneg hag e galleg. E galleg e rae dreist-holl studiadennoù istorel. Skrivet en deus Ernest un toullad brav a destennoù e brezhoneg, ha moarvat lodenn wellañ ha talvoudusañ e oberenn. Un troer ampart e oa ivez p'en deus troet levrioù evel reoù Paul Féval pe Ti Vatriona, gant Aleksandr Solzhenitsyn.

E labour

E brezhoneg

Oberennoù

• Kôzioù Tintin Mari : kontadennoù a Vro-Dreger, Emgleo Breiz, 1964. Adembannadur : Brud Nevez, 1979
• Kalonoù Tregeriad, Emgleo Breiz, 1965. Adembannadur : Brud Nevez, 1979
• Roh Vur, Loeiz Lezongar : Diwaskell torret, diwaskell digoret, Romant war istor eur vuhez, Brud, niverenn 28-29, 1968. Adembannadur : Brud Nevez - Emgleo Breiz, 1986 (ISBN 2-90082-842-2)
• Buhez ha faltazi, Danevelloù, Brud, niverenn 37-38-39-40, 1970. Adembannadur : Brud Nevez - Emgleo Breiz, 1984, 2000 (ISBN 2-86775-186-1)
• Pennadoù-lenn ha danevelloù, Skol, niverenn 55, 1974
• Mougev an drouiz, Skol, niverenn 60-61, 1975
• Eñvorennoù ur Barzhig, Hor Yezh, 1982. Skeudennoù gant Raphaël Binet, Pradig, Danièle Jego
• Minna ha danevelloù all, Hor Yezh, 1988. Adembannadur : Hor Yezh, 2000
• D'an avañtur Doue dre heñchou dindan-zouar Roh-Vur, Ar Skol Vrezoneg - Emgleo Breiz, 2002 (ISBN 2-906373-98-2)

• Barzhonegoù :
  • An douilletenn
  • Tan er siminal

Levrioù troet gantañ

• Diwar Paul Féval :
  • Ar Bleiz Gwenn, Skol, niverenn 65-66, 1977 (adembannadur : Hor Yezh)
  • D'an hini gaerañ, Skol, niverenn 67-68, 1977
  • Valentina A Roc'han, Skol, niverenn 72-73, 1980 (adembannadur : Hor Yezh, 1996)
  • Ar vleizez, Skol (adembannadur : Hor Yezh, 1995)
• Diwar Aleksandr Solzhenitsyn : Ti Vatriona, Al Liamm, 1976
• Diwar Dan Breen : Ma emgann evit Iwerzhon, Skol, niverenn 70-71, 1978

E galleg

• Jean Choleau, son œuvre. La Fédération régionaliste de Bretagne (Unvaniez Arvor). Rennes, Imprimeries Simon.
• Mûr-de-Bretagne et sa région. Syndicat d'initiatives de Mûr, 1947. Adembannadurioù : Rennes, Imprimeries Simon, 1956 - Quimper, Nature et Bretagne, 1976
• Image de la Bretagne centrale. Syndicat d'initiatives de Mûr, 1950)
• Histoire d'une école depuis 1854 (école Saint-Joseph, Quédillac). E kannadig deaniezh Sant-Meen. 1954
• La Roche-Derrien et ses environs. Le barde Narcisse Quellien. Rennes, Imprimeries Simon, 1957
• Loguivy-de-la-Mer. Perle d'Armor et son écrin, le Goélo. Rennes, Imprimeries Simon.
• L'Île-Grande : Merveille de la côte de Granit Rose, Enez-Veur et ses environs. Rennes, Imprimeries Simon.
• Un intime du lorrain Lyautey, le général comte Yves de Boisboissel, barde de Bretagne
• À Saint-Malo, les Magon !. Quimper, Nature et Bretagne, 1974. Studiadenn war unan eus brudetañ familhoù Sant-Maloù, ar Vagoned, pa zimezas e verc'h Annaig gant Jean-Marie Magon de Saint-Elier, e 1970. Adembannadur : La Découvrance, 2004.
• Le Tunodo : Un exemple d'argot breton, asambles gant Narcisse Quellien, Émile Ernault, Alain Le Diuzet. Label LN, 2004.