Redadeg 2008

Redadeg 2008 a oa ur redadeg 600 kilometr, war droad, noz-deiz, eus Naoned da Garaez, dre Redon, Gwened, Henbont, Kemper, Plougastell, Lesneven, Montroulez, Lannuon ha Gwengamp, aozet gant Diwan en deizioù kentañ a Vae e 2008 evit lidañ he 30 vloaz.

Redadeg vihan e Gwengamp.

Ar Redadeg, hentad Kemperle-Brieg.

Ar Redadeg, hentad Kemperle-Brieg.

Ar Redadeg, hentad Kemperle-Brieg.

• Marteze emaoc'h o klask ar pennad Redadeg 2010 pe ar pennad Redadeg 2012 ?

---

Aozadur

Aozet e oa gant ar gevredigezh Ar Redadeg, diazezet e Morzhell, e Bro-Roazhon.

Doare ar Redadeg kentañ

Ur redadeg a-eilek e oa, 9 km a veze redet e pep eurvezh. Pep kilometr a veze redet gant un den er penn a-raok o tougen ur vazh-test kizellet e koad, ha neb a gare war e lerc'h. Evit dougen ar vazh-test war-hed ur c'hilometr e oa ret paeañ 100 euro.
E kêrioù ha kêriadennoù e veze aozet un degemer d'an arvesterien ha d'ar rederien, predoù, sonadegoù.

Goude ar Redadeg, ur chekenn roet da Ziwan : a-gleiz, Jean-Michel Sanner (Ar Redadeg), a-zehou, Patrick Herve (Diwan)

Hent redadeg 2008

Setu an tennadoù-hent a zo bet redet : - 1añ a viz Mae: Naoned-Kemperle - 2 a viz Mae: Kemperle-Lanneur - 3 a viz Mae: Lanmeur-Karaez

Loc’hañ a reas ar redadeg e Naoned d’ar Merc'her 30 a viz Ebrel 2008, da walarn, da skeiñ war-du Gwened. Degouezhout a reas e Karaez d'ar Sadorn 3 a viz Mae, war-dro 16 eur 30, a-raok ar gouel aozet eno gant tud Diwan.
Kêrioù pennañ treuzet : Naoned, Kernitron-al-Lann, Blaen, Redon, Kistreberzh, Gwened, Sant-Teve, An Alre, Henbont, An Oriant, Kemperle, Banaleg, Rosporden, Kemper, Brieg, Kastellin, Daoulaz, Plougastell-Daoulaz, Ar Releg-Kerhuon, Gwipavaz, Plabenneg, Lesneven, Montroulez, Lannuon, Gwengamp, Plijidi, Karaez.

Redek ha kanañ: tonioù ha sonioù

Ur ganaouenn a oa bet kempennet evit Redadeg 2008, gant EV, ur ganaouenn gozh, Redadeg, a c'haller selaou amañ: [1] (You Tube).

Pennadoù kar

• Redadeg 2010
• Redadeg 2012
• Redadeg 2014
• Redadeg 2016
• Redadeg 2018

Levrlennadur

e brezhoneg

• Al Lanv, niverenn 115, miz Ebrel 2008

e galleg

• « Langue bretonne. Prenez le relais de la Redadeg » e-barzh Le Télégramme de Brest an 3 a viz Meurzh 2008.
• Émission de France 3 Bretagne consacrée à Ar Redadeg : France 3
• "La course pour le breton partira de Nantes", dans Maville.com de Nantes du vendredi 14 mars 2008: [[2]]

e katalaneg

• E-barzh Tribuna Catalana, kazetenn enlinenn : [[3]]

Liammoù

• Lec'hienn ofisiel ar Redadeg: http://www.ar-redadeg.bzh
• Adkavit videoioù ar redadeg war kaouenn.net: [4]