Botswana

Botswana (bro ar bobl Swana) a zo ur vro e su kevandir Afrika, harzoù dezhi gant Namibia er c’hornôg hag en norzh, gant Zambia en norzh, gant Suafrika er su, ha gant Zimbabwe er biz. Gaborone eo ar gêr-benn. Gwechall e oa dindan gwarezveli ar Rouantelezh Unanet, hag anvet e oa Bechuanaland, betek 1966, ar bloavezh ma teuas da vezañ dizalc’h.

Republic of Botswana Lefatshe la Botswana Republik Botswana
Banniel Skoed-ardamez
Ger-stur : "Pula" (glav)
Kan broadel: Fatshe leno la rona (Benniget ra vezo ar Vro Nobl-mañ)
Lec'hiadur Botswana
Kêr-benn (ha kêr vrasañ)	Gaborone 24°45′S 25°55′E
Yezh(où) ofisiel	saozneg (yezh ofisiel), setswana (yezh vroadel)
Gouarnamant	Republik
- Prezidant	Mokgweetsi Masisi
- Kentañ ministr
Dizalc’h	diouzh ar Rouantelezh Unanet
- Deiziad	30 a viz Gwengolo 1966
Gorread
- Hollad	600 370 km² (48vet)
- Dour (%)	2,5%
Poblañs
- istimadur 2006	1 639 833 ()
- Stankter	3/km² (231vet)
Moneiz	Pula (BWP)
Gwerzhid-eur	(UTC+ 2)
Kod kenrouedad	.bw
Kod pellgomz	+267

Liammoù armerzhel strizh a-walc’h he deus Botswana gant Suafrika, ha pinvidik eo e gondon (diamantoù).

Botswana a zo unan eus ar stadoù stabilañ a zo en Afrika. Un demokratelezh eo, hag hervez an aozadurioù etrebroadel e vez doujet da wirioù mab-den eno.

Hinad

Ur baobab.

Berr-berr eo koulzad ar glaveier ha hanter grin eo an hinad. Daoust da se, abalamour da uhelder keñverel ar vro, ha d'al ledred, emañ an hinad da vezañ renket e-touez an hinadoù istrovanel. Er pep brasañ eus ar bloaz n'hall ket ar redoù-avel gleb tizhout ar vro. Ar c'houlz-amzer krin a bad eus miz Ebrel da Here er su ha betek miz Du en norzh (koulskoude e ra muioc'h a c'hlav dre eno). Digor eo ar rann su d'an avelioù yen er goañv, eus miz Mae da fin miz Eost, gant ur gwrezvark krenn a 14 °C. Tomm e vez an hañv dre holl gant gwrezvrek krenn a 26 °C. Heoliet eo ar vro a-hed ar bloaz, ha muioc'h c'hoazh er goañv. Avelek ha poultrennek e vez e-pad ar c'houlz-amzer krin.

Rannoù melestradurel

Rannet eo Botswana e 9 distrig.

• Central
• Ghanzi
• Kgalagadi
• Kgatleng
• Kweneng
• North-East
• Ngamiland
• South-East
• Southern

Ouzhpenn d'an distrigoù-se ez eus distrigoù-kêr meret gant kuzulioù-kêr : Gaborone, Francistown, Lobatse, Selebi-Phikwe.

Liammoù diavaez

• Botswana History Pages

Stadoù Afrika

Aljeria • Angola • Aod an Olifant • Benin • Botswana • Burkina Faso • Burundi • Djibouti • Egipt • Eritrea • Eswatini • Etiopia • Gabon • Gambia • Ghana • Ginea • Ginea-Bissau • Ginea ar C'heheder • Kab Glas • Kameroun • Kenya • Komorez • Republik Kongo • Republik Demokratel Kongo • Republik Kreizafrikan • Lesotho • Liberia • Libia • Madagaskar • Malawi • Mali • Maouritania • Maroko • Mozambik • Maoris • Namibia • Niger • Nigeria • Ouganda • Rwanda • São Tomé ha Príncipe • Senegal • Sechelez • Sierra Leone • Somalia • Soudan • Soudan ar Su • Suafrika • Tanzania • Tchad • Togo • Tunizia • Zambia • Zimbabwe

Tiriadoù dalc'het
Ceuta • Inizi Kanariez • Madeira • Melilla • Mayotte • Reünion • Saint Helena • Inizi Tchagos

Broioù ha n'int ket anzavet gant an holl
Azawad • Sahara ar C'hornôg • Somaliland