Elia Barceló Esteve (Alacant, 29 a viz Genver 1957) zo ur skrivagnerez spagnol, anezhi unan eus teir skrivagnerez pennañ ar skiant-faltazi spagnolek, a-gevret gant an Arc'hantinadez Angélica Gorodischer (1928-2022) hag ar Gubanez Daína Chaviano (* 1957).

  • Gant an anv-pluenn "Elia Eisterer-Barceló" he deus graet div wech.
Elia Barceló
den
Reizh pe jenerplac'h Kemmañ
Bro ar geodedouriezhSpagn Kemmañ
Anv-bihanElia Kemmañ
Anv-familhBarceló Kemmañ
Deiziad ganedigezh29 Gen 1957 Kemmañ
Lec'h ganedigezhElda Kemmañ
Yezhoù komzet pe skrivetspagnoleg, alamaneg Kemmañ
Micherwoman author, skrivagner skiant-faltazi Kemmañ
ImplijerUniversity of Innsbruck Kemmañ
Bet war ar studi eUniversity of Alicante Kemmañ
Diplom skol-veurdoktorelezh Kemmañ
Lec'h annezValència, Innsbruck, Elda Kemmañ
Lec'h labourInnsbruck Kemmañ
Prizioù resevetIgnotus Award for Best Short Story, Celsius Award, UPC Award, Q6084442 Kemmañ

Buhez ha respet

kemmañ

En Alacant e voe ganet Elia Barceló Esteve d'an 29 a viz Genver 1957, hag e kêr Elda e vevas a-hed e bugaleaj. A-dugarez da gentelioù he mamm e teskas lenn pa oa 4 bloaz, ha d'he 12 vloaz e krogas da skrivañ istorioù. Abred e voe dedennet gant al lennegezh, ha buan e troas war-du ar moliac'h[1], ar skiant-faltazi, ar romantoù du hag ar romantoù spont. Evit ar yaouankizoù eo an darn vrasañ eus he levrioù.

E 1979 ec'h echuas studiañ al lizheregouriezh saoznek hag alamanek e Skol-veur València hag e 1981 e voe diplomet war al lizheregouriezh spagnolek e Skol-veur Alacant. E-kerzh he studi e voe Elia Barceló ur gobari evit botoù, un ostizez degemer e ferias[2], un droourez en ||embregerezh]]ioù, ur jubennourez e simpoziomoù ha stalioù-labour ha kelenn saozneg a reas en un embregerezh liesvroadel stadunanat.

E 1981 ivez ec'h eas da Aostria m'edo Klaus Eisterer, a zo he fried bremañ. Eno e kelennas al lennegezh spagnolek. War an danvez-se e tapas un doktorelezh e Skol-veur Innsbruck e 1995[3] ; a-zivout ar spont en oberennoù moliac'hus ar skrivagner arc'hantinat Julio Cortázar (1914-1984) e oa he zezenn.

Adalek 1981 ivez, oadet 24 bloaz, e voe embannet istorioù skrivet ganti (Embryo, Minnie, La dama dragón). N'he deus ket paouezet da skrivañ abaoe. Treuzhyezhet en 20 yezh ez eo bet hec'h oberennoù.

E 1994-1995 e skrivas pennadoù evit El País de las Tentaciones, ar stagadenn d'ar gazetenn El País evit ar yaouankizoù[3].

Er bloaz 2017, oadet 60 vloaz, e kuitaas ar Skol-veur hag ec'h eas da skrivagnerez a-vicher.

Oberennoù

kemmañ
Beajoù (4)
Danevelloù (2)
Dirummad (5)
Du (5)
Istorel (1)
Karantez (5)
Moliac'h (2)
Skiant-faltazi (4)

Kenlabour

kemmañ
  • 2012 : Bleak House Inn. Diez huéspedes en casa de Dickens, kontadennoù moliac'h (ISBN 9788493937942)
  • 2014 : Mañana todavía. Doce distopías para el siglo XXI, istorioù berr skiant-faltazi (ISBN 9788415831310)
  • 2019 : Hombres (y algunas mujeres), istorioù berr da lidañ Devezh ar Maouezed (8 a viz Meurzh). Embannadur niverel hepken[4].
  • 2022 : Nornir – El Ciclo de Dimar /1, skiant-faltazi (ISBN 9788412042818)

Enorioù

kemmañ
  • 1991 : Premio Ignotus al mejor cuento evit La estrella[5].
  • 1993 : Premio UPC de ciència-ficció evit El mundo de Yarek[6].
  • 1998 : Premio Edebé de literatura juvenil evit El caso de la artista cruel[7].
  • 2007 : Premio Edebé de literatura juvenil evit Cordeluna[8].
  • 2014 : Premio Celsius La Semana Negra (Xixón) evit Hijos del Clan Rojo[9].
  • 2018 : Premio Ignotus al mejor cuento evit Humo y espejos[10].
  • 2019 : Premio Edebé de literatura juvenil evit El efecto de Frankenstein[11].
  • 2020 : Premio Nacional de Literatura Infantil y Juvenil (Spagn)[12], Premio Kelvin, Festival Celsius de Avilés (Asturiez)[13] ha Premio Sarmiento (Galiza) evit El efecto de Frankenstein.

Liammoù diavaez

kemmañ

Notennoù

kemmañ
  1. (en) fantasy.
  2. Festivalioù-tirvi eo ar ferias e Spagn, e Portugal, e Su Bro-C'hall hag e Suamerika.
  3. 3,0 ha3,1 (es) Ciencia-Ficción. Kavet : 03/03/2023.
  4. (es) Zenda. Kavet : 03/03/2023.
  5. (es) Premios Ignotus 1991. Kavet : 03/03/2023.
  6. (ca) Universitat Politècnica de Catalunya. Kavet : 03/03/2023.
  7. (es) Premio Edebé 1998. Kavet : 03/03/2023.
  8. (es) Premio Edebé 2007. Kavet : 03/03/2023.
  9. (es) semana Negra. Kavet : 03/03/2023.
  10. (es) Premios Ignotus 2018. Kavet : 03/03/2023.
  11. (es) Premio Edebé 2019. Kavet : 03/03/2023.
  12. (es) Ministerio de Cultura y Deporte. Kavet : 03/03/2023.
  13. (es) Premios Kelvin 505. Kavet : 03/03/2023.